دہلی کے کنجھاولا کیس میں چھٹی گرفتاری، 12 کلومیٹر تک گھسیٹنے والی کار کے مالک آشوتوش گرفتار

نئی دہلی: دہلی کے کنجھاولا کیس میں پولیس پولس نے چھٹے ملزم آشوتوش کو گرفتار کر لیا ہے۔ رپورٹ کے مطابق آشوتوش کے پاس بلینو کار ہے جس کی وجہ سے انجلی کو حادثہ پیش آیا اور اسے 12 کلومیٹر تک گھسیٹا گیا۔ آشوتوش نے ہی یہ گاڑی امت کو دی تھی لیکن وہ یہ بات پولیس سے چھپا رہا تھا۔

خیال رہے کہ دہلی انجلی نامی لڑکی کی لاش یکم جنوری کی صبح تقریباً 4 بجے دہلی کے کنجھاولا علاقے میں سڑک پر برہنہ حالت میں برآمد ہوئی تھی۔ انجلی کی اسکوٹی کو پولیس نے کچھ ہی فاصلے پر برآمد کیا تھا۔ پولیس کے مطابق انجلی کا کار کے ساتھ حادثہ ہوا تھا۔ اس کے بعد اس کی ٹانگ گاڑی کے اگلے پہیے میں پھنس گئی۔ انجلی کو 12 کلومیٹر تک دہلی کی سڑکوں پر گھسیٹا گیا، جس کی وجہ سے اس کی موت ہو گئی۔

اس معاملے میں پولیس نے پہلے 5 ملزمان (منوج متل، دیپک کھنہ، امیت کھنہ، کرشنا اور متھن) کو گرفتار کیا تھا۔ اس علاوہ پولیس نے اس بلینو کار کو بھی برآمد کر لیا جو حادثہ کا سبب بنی۔ پولیس نے گزشتہ روز ہی کہا تھا کہ اس معاملہ میں 5 نہیں بلکہ 7 ملزم ہیں۔ پولس نے دو نئے ملزمان آشوتوش اور انکش کھنہ کے نام کیس شامل کیے تھے۔ اب پولس نے آشوتوش کو گرفتار کر لیا۔ بلینو کار آشوتوش کی ہی تھی، تاہم حادثے کے وقت وہ کار میں موجود نہیں تھا۔

قبل ازیں، پولیس نے جمعرات کو بتایا تھا کہ گاڑی امت چلا رہا تھا، دیپک نہیں۔ پولیس کے مطابق امت کے پاس ڈرائیونگ لائسنس نہیں ہے۔ لہذا انکش کھنہ نے دیپک کو مشورہ دیا تھا کہ وہ پولیس کے سامنے بیان دے کہ گاڑی وہ چلا رہا تھا۔