سلی سولز معاملہ میں شکایت کنندہ کا دعویٰ- ’اسمرتی ایرانی کو ذاتی طور پر جانتا ہوں اور بی جے پی کے لیے مہم بھی چلائی ہے!‘

گوا کے ’سلی سولز کیفے اینڈ بار‘ میں بے ضابطگیوں کی شکایت کرنے والے وکیل آئرس روڈریگز کا کہنا ہے کہ ’’میں اسمرتی ایرانی کا مخالف نہیں ہوں اور 2007 کے گوا اسمبلی انتخابات کے دوران تو میں نے آنجہانی منوہر پاریکر کی دعوت پر اسمرتی کے ساتھ بی جے پی کے مختلف عوامی جلسوں سے خطاب کرنے کا اعزاز بھی حاصل کر چکا ہوں۔ ان جلسوں کے دوران انہوں نے وہ میری کافی تعریفیں کرتی تھیں اور کہتی تھیں کہ مجھ سے گوا کی امیدیں وابستہ ہیں۔‘‘

خیال رہے کیہ روڈریگز کا دعویٰ ہے کہ ’سلی سولز‘ مرکزی وزیر اسمرتی ایرانی کے خاندان کی ملکیت ہے۔ جبکہ اسمرتی ایرانی نے اپنے خاندان کے کسی فرد کا 'سلی سولز' سے تعلق ہونے سے انکار کیا ہے۔ یہاں تک کہ انہوں نے ان 3 کانگریس لیڈران کو قانونی نوٹس بھیج دیا ہے جنہوں نے اس الزام کو دہرایا تھا۔

اس شکایت کے بعد کہ بار اور ریستوراں کے پاس مناسب لائسنس نہیں ہے، گوا کے ایکسائز کمشنر نے درخواست گزار روڈریگز اور بار کا لائسنس جاری کرنے والے محکمہ کو آج یعنی 29 جولائی کو ان کے سامنے پیش ہونے کی ہدایت دی ہے۔ واضح رہے جس افسر نے اس بار کے لئے لائسنس جاری کیا تھا اس کا گزشتہ سال مئی میں ممبئی میں انتقال ہو گیا تھا!

مفاد عامہ کی عرضیاں دائر کرنے اور آر ٹی آئی کے تحت درخواست دائر کرنے کے لئے مشہور پانجم کے رہائشی روڈریگز نے اپنی فیس بک وال پر بھی لکھا ہے کہ ’’مجھے یاد ہے کہ اسمرتی اور ان کے شوہر زوبین نے مجھ سے پوچھا تھا کہ کیا میں گوا میں کسی بہتر برائے فروخت جائیداد کے بارے میں بتا سکتا ہوں۔ اس کے جواب میں میں نے ان سے کہا کہ میں ایک وکیل ہوں ریئل اسٹیٹ کا کوئی بروکر نہیں۔‘‘

روڈریگز کا دعویٰ ہے کہ انتھونی ڈی گاما ممبئی کے ولے پارلے (ایسٹ) میں مقیم تھے اور مئی 2021 میں ان کا سیون ہلز ہسپتال میں انتقال ہو گیا تھا۔ تاہم، ایک ماہ بعد لائسنس کی تجدید کے لیے ان کی دستخط شدہ درخواست جمع کرائی گئی! اتنا ہی نہوں نے اس درخواست کے ساتھ ڈی گاما کے ہاتھ سے لکھا ہوا ایک نوٹ بھی جمع کرایا تھا جس میں انہوں نے لائسنس کی تجدید کرنے اور پرانا لائسنس 6 مہینے کے اندر جمعہ کرنے کے بارے میں لکھا تھا۔ روڈریگز نے سوال کیا ’’ڈی گاما کی موت کے بعد یہ نوٹ کس نے لکھا ہوگا اور اس لائسنس کس کو منتقل کیا گیا ہوگا؟‘‘