سگنیچر برج کا نام شیلا دیکشت کے نام پر رکھنے کا مطالبہ
کانگریس ترجمان جتیندر کوچر کا کہنا ہے کہ شیلا دیکشت کو سچی خراج عقیدت اور دہلی کی ترقی میں ان کے کارنامے کو ہمیشہ کے لیے یادگار بنانے کے مقصد سے ’سگنیچر برج‘ کا نام ان کے نام پر رکھا جائے۔
نئی دہلی: دہلی کانگریس نے وزیر اعلیٰ اروند کیجریوال سے سگنیچر برج کا نام سابق وزیراعلیٰ شیلا دیکشت کے نام پر رکھنے کا مطالبہ کیاہے۔ دہلی کانگریس کے ترجمان جتیندر کوچر نے اس تعلق سے اروند کیجریوال کو پیر کے روز ایک خط لکھا۔
جتیندرکوچر نے خط میں لکھا کہ سابق وزیر اعلیٰ شیلا دیکشت کو ہمیشہ دہلی کی ترقی کی فکر رہتی تھی اور 15 سال کے وزیر اعلیٰ کی مدت میں انہوں نے دار الحکومت کی ترقی کے لیے جو کیا ہے وہ ملک کی تاریخ میں اپنی مثال آپ ہے۔ ان کی موت سے جو سیاسی خلا پیدا ہوا ہے وہ کبھی پورا نہیں کیا جاسکتا ہے اور کانگریس کاتوناقابل تلافی نقصان ہوا ہے۔ ملک کی سیاست نے بھی ایک بڑا لیڈر کھو دیا ہے۔
شیلا دیکشت کے دور اقتدار میں دہلی میں فلائی اوورز کا جال بچھائے جانے کا ذکر کرتے ہوئے جتیندرکوچر نے کہا کہ سگنیچر برج کی تعمیر سابق وزیر اعلیٰ نے اپنی نگرانی میں کروائی۔ انہوں نے کہا کہ شیلا دیکشت کو سچی خراج عقیدت اور دہلی کی ترقی میں ان کے کارنامے کو ہمیشہ کے لیے یادگار بنانے میں سگنیچر برج کا نام ان کے نام پر رکھا جائے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔