نوکروں نے سیٹھ کے کھانے میں نشیلی دوا ملائی، 2.50 کروڑ کے زیورات چرا کر بہار فرار، گرفتار

ممبئی میں اپنے مالک کے گھر سے تقریباً 2.5 کروڑ روپے کے زیورات لے کر فرار ہونے والے دو نوکروں کو بہار سے گرفتار کیا گیا ہے۔ دونوں نے مالک اور اس کے گھر والوں کو نشہ آور چیز دے کر چوری کی واردات کی تھی۔ تقریباً ایک ہفتے کے بعد اب پولیس نے ملزمین کو پکڑ لیا ہے۔ ممبئی اور بہار پولیس کو آدھار کارڈ کے ذریعے نوکروں کی شناخت میں مدد ملی۔

پولیس نے گرفتار نوجوان سے سامان برآمد کرلیا ہے۔ ان کی شناخت نیرج عرف راجہ یادو (19) اور راجو عرف شتروگھن کمار (19) کے طور پر کی گئی ہے۔ دونوں نے مبینہ طور پر 10 فروری کو اپنے مالک  اور اس کے خاندان کے افراد کے کھانے میں نشہ آور چیز ملا دی، جو مضافاتی کھار کے رہائشی تھے اور قیمتی سامان لے کر فرار ہو گئے۔

نیوز پورٹل ’آج تک‘ پر شائع خبر کے مطابق پولیس افسر نے بتایا کہ یہ واقعہ 11 فروری کو اس وقت سامنے آیا جب 55 سالہ شکایت کنندہ مالک کو معلوم ہوا کہ اس کے فلیٹ سے ہیرے کے زیورات غائب ہیں۔ مالک نےبتایا کہ ان کے گھر والوں کو اسپتال میں داخل کرانا پڑا کیونکہ وہ سب نیند سے بیدار ہونے کے بعد الٹیاں کرنے لگے تھے۔ بعد ازاں نوکر کے خلاف چوری سمیت دیگر دفعات کے تحت ایف آئی آر درج کرائی گئی۔

قابل ذکر ہے کہ شتروگھن کمار کو پولیس پہلے ہی 50 لاکھ روپے کی چوری کے معاملے میں گرفتار کر چکی ہے۔ اس وقت راجہ یادو کی بھی جانچ کی جا رہی ہے۔ پولیس دونوں ملزمان سے پوچھ گچھ کر رہی ہے۔ تفتیش جاری ہے۔