پاکستان سے آئی سیما حیدر نے سچن کے ساتھ ہندوستان کا جھنڈا لہرایا

سرحد پار سے آئی پاکستانی سیما حیدر اتوار یعنی 13 اگست کو 'ہر گھر ترنگا' مہم میں شامل ہوئیں اور اپنے گھر پر ترنگا جھنڈا لہرایا۔ اس وقت اتر پردیش کے نوئیڈا میں رہنے والی سیما نے اپنے شوہر سچن کے ساتھ مل کر ترنگا لہرایا اور ملک کے یوم آزادی کی تقریبات کا حصہ بنیں۔

واضح رہے  اس دوران سیما کے وکیل اے پی سنگھ بھی وہاں موجود تھے اور انہوں نے بتایا کہ سیما بالی ووڈ فلموں میں کام نہیں کریں گی اور انہوں نے بالی ووڈ میں ڈیبیو کرنے کی جو پیش کش ملی تھی اسے بھی ٹھکرا دیا ہے۔

انڈیا ٹوڈے کی رپورٹ کے مطابق سیما اور سچن نے ترنگا لہراتے ہوئے 'بھارت ماتا کی جئے' اور 'ہندوستان زندہ باد' کے نعرے لگائے۔ حال ہی میں خبریں آئی تھیں کہ سیما حیدر کو بالی ووڈ فلم میں کام کرنے کی پیشکش ہوئی ہے۔ راج ٹھاکرے کی مہاراشٹر نو نرمان سینا (ایم این ایس) کے رہنما نے سیما کو اس بارے میں خبردار کیا تھا۔

واضح رہے غیر قانونی طریقے سے ہندوستان میں آئی سیما حیدر کا یہ کہنا ہے کہ وہ سچن کی محبت میں ہندوستان آئی ہیں اور اس کو یہ محبت پب جی کھیلتے ہوئے سچن سے ہو گئی تھی۔ جب سے ان  کا معاملہ سامنے آیا ہے وہ سرخیوں میں بنی ہوئی ہیں چاہے ان سے ایس ٹی ایف کے ذریعہ پوچھ تاچھ ہو یا پھر بالی وڈ سے فلم کی پیش کش۔  واضح رہے سیما کے پہلی شادی سے چار بچے ہیں جن کو لے کر وہ ہندوستان آئی ہے۔