سعودی عرب: سزائے موت کو عمر قید میں بدلنے پر غور وخوض

ریاض: سعودی ولی عہد محمد بن سلمان کا کہنا ہے کہ سزائے موت کو عمر قید میں بدلنے کے لیے کام کر رہے ہیں۔ شہزادہ محمد بن سلمان کا مزید کہنا ہے کہ اگلے ایک سال میں سزائے موت کا خاتمہ کیا جاسکتا ہے۔

انسانی حقوق کی تنظیم ہیومن رائٹس واچ کا اس حوالے سے کہنا ہے کہ سعودی عرب میں 2018 میں اب تک 48 افراد کو سزائےموت دی گئی۔ ہیومن رائٹس واچ نے بتایا ہے کہ سزائے موت پانے والوں میں سے نصف لوگوں کے منشیات میں ملوث ہونے پر ان کے سر قلم کیے گئے۔

سعودی عرب میں منشیات کے جرم میں ملوث متعدد افراد تا حال موت کے منتظر ہیں۔