سبریمالہ معاملہ: امید ہے کہ ’بڑی بنچ‘ مذہبی امور میں دخل اندازی نہیں کرے گی، وی ایچ پی

نئی دہلی: وشو ہندو پریشد (ای ایچ پی) نے سبریمالا مقدمے کو ایک بڑی بنچ کے حوالے کرنے کے سپریم کورٹ کے فیصلے سےمتعلق امید ظاہر کی کہ عدالت کی بڑی بنچ اس حقیقت پر بھی غور و خوض کرے گی کہ اس مخصوص مندر کی منفرد روایت جنسی تعصب نہیں ہے اور مذہب کے داخلی امور میں دخل اندازی نہیں کرے گی۔

وی ایچ پی ملند پرانڈے نے کہا کہ ہندومذہب کسی بھی طرح کے جنسی تعصب میں یقین نہیں رکھتا ہے۔ سبریمالا کی روایت کسی بھی طرح کے جنسی تعصب میں یقین نہیں کرتا ہے۔ سبریمالا کی روایت کسی بھی طرح کی جنسی تعصب سے متعلق معاملہ نہیں ہے بلکہ حقیقی معنوں میں یہ منفرد مندر کی مخصوص روایت سے متعلق ہے۔

سبریمالا مقدمے کو بڑی بنچ کے پاس بھیجنے کے سپریم کورٹ کے فیصلے پر پرانڈے نے امید ظاہر کی کہ بڑی بنچ یہ بھی غوروخوض کرے گی کہ کسی عدالت کو کسی مذہب کے داخلی امور میں دخل نہیں دینا چاہیے۔

وی ایچ پی کے جنرل سکریٹری نے یہ بھی کہا کہ بھگوان اَیَپَّا کے کئی مندروں میں سے محض ایک سبریمالا میں ہی اس کی مخصوص فطرت، روایتوں کی وجہ سے کمیٹی کی جانب سے(10 سے 50 سال کی خواتین کے داخلے) پر پابندی ہے۔ لاتعداد خاتون یاتریوں کو مندر کی روایت میں یقین ہے اور اس کی حمایت میں بڑی تعداد میں انہوں نے مظاہرہ بھی کیا۔ انہوں نے امید ظاہر کی کہ عدالت ہندوؤں کے مذہبی حقوق اور روایتوں کا احترام کرتے ہوئے اپنا حتمی فیصلہ صادر کرے۔