لکھنؤ میں ریٹائرڈ آئی اے ایس کے گھر میں علی الصبح لوٹ، احتجاج کرنے پر بیوی کا قتل
رائے بریلی، الہ آباد میں ڈویژنل کمشنر سمیت کئی اضلاع میں ڈی ایم رہ چکے ریٹائرڈ آئی اے ایس گولف کھیلنے کے بعد واپس آئے تو گھر میں سب کچھ بکھرا پڑا تھا اور بیوی موہنی کی لاش فرش پر پڑی تھی
![<div class="paragraphs"><p>تصویر سوشل میڈیا</p></div>](https://media.assettype.com/qaumiawaz%2F2024-05%2Fc32cc5b4-e230-4814-8484-c893a4d44e2a%2Fdubey.jpg?rect=0%2C25%2C4000%2C2250&auto=format%2Ccompress&fmt=webp)
تصویر سوشل میڈیا
لکھنؤ: اتر پردیش کی راجدھانی لکھنؤ میں ہفتہ کی صبح شرپسندوں نے ایک ریٹائرڈ آئی اے ایس افسر کے گھر میں دن دہاڑے لوٹ کی واردات انجام دی۔ رپورٹ کے مطابق احتجاج کرنے پر افسر کی بیوی کو پھندے پر لٹکا دیا گیا۔ اطلاع ملتے ہی محکمہ پولیس میں خوف و ہراس پھیل گیا۔ پولیس ٹیم نے فوری طور پر موقع پر پہنچ کر معاملے کی تحقیقات شروع کر دی۔
رائے بریلی اور الہ آباد میں ڈویژنل کمشنر سمیت کئی اضلاع میں ضلع مجسٹریٹ کے عہدے پر فائز رہ چکے 71 سالہ ریٹائرڈ آئی اے ایس افسر ڈی این دوبے لکھنؤ کے اندرا نگر تھانہ علاقے کے سیکٹر 22 میں رہتے ہیں۔ ہفتہ کی صبح جب وہ گولف کھیلنے کے بعد واپس لوٹے تو گھر میں سب کچھ بکھرا پڑا تھا اور ان کی بیوی موہنی کی لاش فرش پر پڑی تھی۔ ان کے گلے میں پھندا پڑا ہوا تھا۔ دوبے نے فوراً پولیس کو اطلاع دی۔
فرانزک ٹیم اور ڈاگ سکواڈ کو بھی موقع پر طلب کر لیا گیا ہے۔ اس کے علاوہ آس پاس کے علاقے میں موجود سی سی ٹی وی فوٹیج کی بھی جانچ کی جا رہی ہے۔ پولیس نے مقدمہ درج کر کے لاش کو پوسٹ مارٹم کے لیے بھیج دیا ہے اور آس پاس کے لوگوں سے پوچھ گچھ کر رہی ہے۔
اے سی پی غازی پور وکاس جیسوال نے بتایا کہ قتل ڈکیتی کے بعد ہوا۔ واقعہ کے وقت دیویندر ناتھ گھر میں نہیں تھے۔ صبح گالف کھیلنے گیا۔ واپس آیا تو دیکھا کہ گھر کا دروازہ کھلا ہوا ہے۔ جب ہم اندر آئے تو الماری کا سامان بکھرا پڑا تھا۔ بیوی کو پکارا تو کوئی جواب نہ آیا۔ اس کے بعد جب وہ اندر پہنچا تو دیکھا کہ اس کی بیوی کی لاش وہاں پڑی تھی۔ شور مچنے پر آس پاس کے لوگ وہاں پہنچ گئے۔ پولیس کا کہنا ہے کہ واردات کے بعد ڈاکو سی سی ٹی وی ڈی وی آر بھی لے گئے۔ جس کے بعد پولیس قریبی سی سی ٹی وی بھی چیک کر رہی ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔