ممبئی ایئرپورٹ پر مرمت، مسافروں کو سخت دشواریوں کا سامنا

ممبئی: ملک کی اقتصادی راجدھانی ممبئی کے شیواجی مہاراج انٹرنیشنل ہوائی اڈے پر چھ گھنٹے کے لیے ہوائی پٹی بند ہونے کی وجہ سے ممبئی آنے اور جانے والے مسافروں کو سخت شواری کا سامنا کرنا پڑا۔ صبح 11بجے سے اہم اور متبادل ہوائی پٹی کو درستگی کے لیے بند کردیا گیا تھا۔ یہ مرمت کا پہلا مرحلہ تھا، دوسرے مرحلہ کے تحت 7 فروری اور 30 مارچ کو بھی ممبئی ایئرپورٹ پر مرمت کا کام چلے گا۔

مذکورہ دونوں رن وے مکمل طورپر بند ہیں اور اچانک سفر کے لیے ٹکٹ خریدنے والے افراد کو پریشانی لاحق ہوئی۔ حاناکہ شام پانچ بجے رن وے دوبارہ کھول دئے گئے۔ ممبئی ایئرپورٹ آمد اور روانگی دونوں کے لئے صبح اور شام کے وقت کافی بھیڑ بھاڑ رہتی ہے جبکہ دوپہر میں کچھ راحت پائی جاتی ہے۔ اس کا اظہار ایک ایئر ٹریفک کنٹرولر نے کیا ہے۔

اس بات کا امکان ظاہر کیا گیا ہے کہ جن مسافروں نے شام 5 بجے اور شام ساڑھے 7بجے کے درمیان ٹکٹ بکنگ کی ہیں انہیں زیادہ دشواری نہیں ہوگی۔ لیکن ہنگامی حالات میں ٹکٹ بکنگ کرنے والوں کو پریشانی لاحق ہے۔

واضح رہے کہ ممبئی ایئر پورٹ کے اہم رن وے کی صلاحیت 50 پرواز یومیہ کی ہے جو اس کی اعلان شدہ صلاحیت 46 سے زیادہ ہے۔ وہیں دوسرے رن وے پر کی صلاحیت 35 پروازوں کی ہے۔ اس ایئر پورٹ پر اوسطاً ایک ہزار فلائٹ ہر روز آتی اور جاتی ہیں۔