این ڈی اے کی اتحادی ’ایل جے پی‘ میں پھوٹ، پاسوان کو جھٹکا

پٹنہ: مرکزی وزیر رام ولاس پاسوان کی لوک جن شکتی پارٹی (ایل جے پی) میں پھوٹ پڑ گئی ہے۔ پارٹی کے سینئر رہنما اور جنرل سکریٹری ستیا نند شرما نے پارٹی کے متعدد دیگر عہدیداران کے ساتھ اجتماعی طور پر استعفی دے دیا ہے اور ایک نئی پارٹی ایل جے پی (سیکولر) قائم کر لی ہے۔

ستیا نند شرما نے رام ولاس پاسوان پر صرف اور صرف اپنے اہل خانہ کو فروغ دینے کا الزام عائد کیا ہے اور کہا ہے کہ ایل جے پی پاسوان کی ایک خاندانی جاگیر میں تبدیل ہو گئی ہے۔ انہوں نے کہا، ’’رام ولاس پاسوان کے خاندان کا پارٹی میں غلبہ ہے اور پارٹی میں کوئی اندرونی ازادی باقی نہیں رہ گئی ہے۔‘‘

واضح رہے کہ، بی جے پی کی اتحادی پارٹی ایل جے پی نے بہار میں ہوئے لوک سبھا انتخابات میں اپنی تمام چھ سیٹوں پر جیت درج کی تھی۔ ان چھ ارکان پارلیمان میں پاسوان کے خاندان کے تین ارکان، ان کے بیٹے اور دو چھوٹے بھائی شامل ہیں۔