خواجہ غریب نواز عرس: چھپرا سے اجمیر تک چلے گی خصوصی ٹرین

گورکھپور: ریلوے نے اجمیر شریف میں ہونے والے خواجہ غریب نواز کے 807 ویں عرس میں جانے والے عقیدت مندوں کی سہولت کے لئے چھپرا سے گورکھپور کے درمیان ایک جوڑی خصوصی ٹرین چلانے کا فیصلہ کیا ہے۔

شمال مشرقی ریلوے کے ترجمان نے بدھ کو بتایا کہ خصوصی گاڑی سیوان، دیوریا صدر، گورکھپور، خلیل آباد، بستی، گونڈہ، بارہ بنکی، بادشاہ نگر، لکھنؤ، کانپور سنٹرل، اٹاوہ، ٹنڈلہ، آگرہ فورٹ بیانا، سوائے مادھو پور، درگا پور، جئے پور، فلیرا، کشن گڑھ اور مدار اسٹیشنوں پر رکتے ہوئے چھپرا سے اجمیر تک کا سفر طئے کرے گی۔

انہوں نے بتایا کہ 05103 چھپرا۔اجمیر خصوصی گاڑی 11 مارچ کو چھپرا سے 20:30 بجے روانہ ہوگی اور تیسرے دن 3:10 بجے اجمیر پہنچے گی۔ انہوں نے بتایا کہ واپسی میں 05104 اجمیر چھپرا خصوصی گاڑی 15 کو اجمیر سے 23:55 بجے روانہ ہوگی اور مذکورہ بالا اسٹیشنوں سے ہوتے ہوئے تیسرے دن 02:50 بجے چھپرا پہنچے گی۔ اس گاڑی میں ایس ایل آر کےد و، جنرل کے نو، سلیپر کے سات اور ایس سی ۔3 کے دو دبوں سمیت 20 کوچ لگائے جائیں گے۔