بھاسکر اخبار کے مالکان اور ادارہ پرانکم ٹیکس کے چھاپے

خبروں کے مطابق ہندی کے معروف روزنامہ بھاسکر کے مالکان اور ادارہ پر انکم ٹیکس کے چھاپے پڑے ہیں ۔ نیوز پورٹل پر شائع خبر کے مطابق رات ڈھائی بجے کے بعد سےکمپنی کے دفاتر پر چھاپے جاری ہیں اور بھاسکر کے مالکان کے گھروں پر بھی انکم ٹیکس کے چھاپے پڑے ہیں ۔

الزام ہے کہ ٹیکس چوری کے معاملہ میں بھاسکر مالکان کے گھر اور دفاتر پر انکم ٹیکس محکمہ کے چھاپے پڑے ہیں ۔ انکم ٹیکس کی انویسٹیگیشن ونگ کی یہ چھاپے کی کارروائی بھاسکر کے نویئڈا ، جے پور اور احمد آباد کے دفاتر پر کی گئی ہے۔

بتا یا جا رہا ہے کہ انکم ٹیکس محکمہ کی یہ چھاپے کی بڑی کارروائی ہے اور اس کارروائی کے پیش نظر ملازمین کے فون ضبط کر لئے گئے ہیں اور ساتھ میں کسی کو بھی دفتر سے باہر نہیں جانے دیا جا رہا ہے۔ انکم ٹیکس محکمہ کے ساتھ مقامی پولیس کی سپورٹ ہے۔پورا سرچ آپریشن دہلی اور ممبئی کی ٹیم کی نگرانی میں ہورہا ہے اور چھاپہ ماری کی کارروائی میں سو سے زیادہ لوگ شامل ہے۔

چھاپے ماری کو لے کر کانگریس نے مودی حکومت پر حملہ کیاہے۔ کانگریس کے قومی ترجمان رندیپ سنگھ سرجے والا نے ٹویٹ کر کے کہا ’’ریڈ (چھاپہ) جی وی، پریس کی آزادی کا بزدلانہ حملہ ۔ روزنامہ بھاسکر کے بھوپال، جے پور اور احمد آباد کےدفاتر پراب انکم ٹیکس کے چھاپے،۔ جمہوریت کی آواز کو ’ریڈ راج ‘ سے نہیں دبا پائیں گے۔‘‘