کسان تحریک میں ہوئے تشدد پر راہل گاندھی کا رد عمل آیا سامنے

نئی دہلی: کانگریس کے سابق صدر راہل گاندھی نے یوم جمہوریہ کے موقع پر قومی دارالحکومت دہلی میں کسان تحریک کے دوران ہوئے تشدد کے درمیان زراعت سے متعلق تینوں قوانین کو واپس لینے کا مطالبہ کرتے ہوئے کہا ہے کہ تشدد کسی مسئلے کا حل نہیں ہے اور اس سے نقصان ملک کا ہی ہوتا ہے۔ راہل گاندھی نے کہا کہ ’’تشدد کسی مسئلے کا حل نہیں ہے۔ چوٹ کسی کو بھی لگے، نقصان ہمارے ملک کا ہی ہوگا۔ ملک کے مفاد کے لئے زرعی قانون واپس لو۔‘‘

اس سے قبل راہل گاندھی اور پارٹی جنرل سکریٹری پرینکا گاندھی واڈرا نے یوم جمہوریہ پر ملک کے عوام کو مبارکباد دی اور کہا کہ جمہوریت ملک کے عوام کی ہے اور انہی کی بدولت یہ مضبوط ہوتا ہے۔ راہل گاندھی نے اپنے مبارکبادی پیغام میں کہا تھا،’’ ہندوستان کا ہر شہری ملک کا مستقبل لکھنے والا ہے چاہے وہ ستیہ گرہی کسان مزدور ہو یا چھوٹے کاروباری، نوکری کی تلاش کرتا نوجوان ہو یا مہنگائی سے پریشان گھر میں رہنے والے خواتین۔ جمہوریت آپ سے ہے، جمہوریت آپ کی ہے۔ مبارکباد۔‘‘ علاوہ ازیں پرینکا گاندھی نے کہا کہ جے جوان، جے کسان۔ یوم جمہوری کی مبارکباد۔ جن گن من... زیادہ سے زیادہ مضبوط ہو یوم جمہوریت۔