مودی جی کتنے سال لگیں گے وعدہ پورا کرنے میں: راہل

گجرات چناؤ کے پہلے مرحلے کی ووٹنگ ہونے میں اب محض 10 دن باقی رہ گئے ہیں۔ ووٹنگ کے پیش نظر بی جے پی اور کانگریس نے چناوی تشہیر کو تیز کر دیا ہے۔ دو دہائی سے گجرات میں بی جے پی کی حکومت ہے اور ان دو دہایوں سے زیادہ وقفہ میں پہلی بار ایسا محسوس ہو رہا ہے کہ کانگریس بی جے پی کو کڑی ٹکر دے رہی ہے۔ کانگریس نائب صدر راہل گاندھی نے جس جارحانہ انداز میں انتخابی تشہیر چلائی ہوئی ہے اس سے بی جے پی پریشان نظر آ رہی ہے۔

گجرات میں کانگریس کی مضبوط پوزیشن کی وجہ راہل گاندھی کے گجرات میں کئے گئے کئی دوروں کو اور ان کی جارحانہ انتخابی مہم کو مانا جا رہا ہے۔ اسی ضمن میں آج پھر سے راہل گاندھی گجرات پہنچنے والے ہیں۔

کانگریس کے نائب صدر راہل گاندھی آج سے پھر دو روزہ دورہ شروع کرنے جا رہے ہیں اس دوران وہ ریلیوں اور انتخابی جلسوں سے خطاب کریں گے۔ راہل سب سے پہلے صوبے کے گرسوم ناتھ ضلع میں واقع معروف سومتانھ مندر کے درشن کریں گے اور اس کے بعد جلسہ عام سے خطاب کریں گے۔

راہل گاندھی کے پروگرام

• دوپہر 1.00بجے ۔ سومناتھ مندر کے درشن
• 1.30 بجے ۔ سومناتھ مندر کے باہر جلسہ عام سے خطاب
• 3.00 بجے ۔ جونا گڑھ کے بھیسن میں جلسہ عام سے خطاب
• 4.30 بجے۔ امریلی کے وایم مندر گراؤنڈ میں جلسہ عام سے خطاب
• 7 بجے ۔ امریلی میں فارورڈ اسکول سرکر میں جلسہ عام سے خطاب

پارٹی ذرائع کے مطابق ’’کانگریس کے نائب صدر راہل گاندھی سومناتھ ، امریلی اور بھاؤنگر اضلاع کا دورہ کریں گے۔ وہ لوگوں سے ان کے مسائل کے حوالے سے بات چیت کریں گے اور جلسہ عام کو بھی خطاب کریں گے۔‘‘

گجرات اسمبلی انتخابات کی تیز ہوتی تشہیر کاری میں کانگریس اور بی جے پی کے اہم رہنما حصہ لے رہے ہیں۔ ان میں وزیر اعظم نریندر مودی بھی شامل ہیں جنہوں نے گجرات میں اب تک چار ریلیاں کی ہیں۔