مودی حکومت نیم فوجی دستوں کو ’شہید‘ کا درجہ دینے کی پہل کرے: راہل

نئی دہلی: کانگریس کے صدر راہل گاندھی نے سنٹرل ریزرو پولس فورس (سی آر پی ایف) جیسے نیم فوجی دستوں کے جوانوں کی شہادت کو ’شہید ‘ کا درجہ دیئے جانے کی ایک بار پھر اپیل کرتے ہوئے پیر کو کہا کہ مودی حکومت کو اس سلسلہ میں مثبت پہل کرنی چاہیے۔ راہل گاندھی نے ٹوئٹ کیا کہ ہمیں سی آر پی ایف جیسے اپنے نیم فوجی دستوں کے جوانوں کی قربانی کا احترام کرتے ہوئے انہیں لازمی طورپر ’شہید‘ کا درجہ دینا چاہیے۔

کانگریس صدر نے کہا کہ وہ جانتے ہیں کہ ان کے اس مشورہ کو وزیراعظم نریندر مودی نہیں مانیں گے، لیکن بہادر فوجیوں کے مفادات کے تعلق سے عدالت کی بات پر ضرور توجہ دی جانی چاہیے۔ انہوں نے کہا کہ حالانکہ وزیراعظم نریند مودی کا تکبر انہیں اس پر غور کرنے سے روکے گا۔ مجھے امید ہے کہ وہ (وزیراعظم) نیم فوجی دستوں کی بہتری کے لئے سپریم کورٹ کی ہدایت پر کام کریں گے۔