انتخابی کیمپین کے بیچ راہل گاندھی کیدارناتھ پہنچے
راہل گاندھی کل دن کے وقت ہیلی کاپٹر کے ذریعہ کیدارناتھ دھام پہنچے اور رسم کے مطابق بابا کیدارناتھ کی پوجا کرنے کے بعد جیوترلنگ کے درشن کئے۔
تصویر آئی اے این ایس
پانچ ریاستوں میں جاری اسمبلی انتخابات کی ہلچل کے درمیان کانگریس کے لیڈر راہل گاندھی اتوار کو اتراکھنڈ کے کیدارناتھ دھام پہنچے جہاں انہوں نے بھگوان شیو کے جیوترلنگ کے درشن کئے اور عظیم الشان آرتی میں شامل ہوئے۔
کانگریس کے مواصلات محکمہ کے ایک سینئر عہدیدار نے بتایا کہ مسٹر گاندھی دن کے وقت ہیلی کاپٹر کے ذریعہ کیدارناتھ دھام پہنچے اور رسم کے مطابق بابا کیدارناتھ کی پوجا کرنے کے بعد جیوترلنگ کے درشن کئے۔
انہوں نے بتایا کہ شام میں مسٹر گاندھی نے بابا کی عظیم الشان آرتی میں شرکت کی اور آرتی کی تکمیل تک بابا کا دھیان کرتے رہے۔ آرتی کی تکمیل کے بعد انہوں نے مندر کی خدمت کے کاموں میں بھی حصہ لیا۔
پیر یعنی آج مسٹر گاندھی کیدارناتھ میں آرام کریں گے اور بابا کی پوجا کریں گے اور آرتی میں شرکت کریں گے۔ شیو بھکت مسٹر گاندھی نے اس سے قبل گوری کنڈ سے کیدار دھام تک 14 کلومیٹر پیدل سفر کیا تھا۔ وہ کیلاش مانسروور جاکر بھگوان شیو کے درشن بھی کرچکے ہیں۔ بھارت جوڑو یاترا کے دوران انہوں نے اجین میں مہاکال کے درشن کے ساتھ ساتھ کئی مندروں میں درشن کئے۔ کیدارناتھ یاترا کو بھی بھارت جوڑو یاترا کا روحانی سفر سمجھا جا رہا ہے۔ سرکاری معلومات کے مطابق مسٹر گاندھی منگل کو بابا کیدار کے درشن کرنے کے بعد واپس آئیں گے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔