راہل گاندھی کی ذات شہادت ہے: پون کھیڑا کا جوابی حملہ

کانگریس نے بی جےپی کے رکن پارلیمنٹ انوراگ ٹھاکر کے ذات پات پر مبنی بیان کو نشانہ بنایا ہے۔ کانگریس رہنما  پون کھیڑا نے انوراگ ٹھاکر کے بیان پر تنقید کی ہے۔ کانگریس نے منگل یعنی30 جولائی کو سوشل میڈیا پلیٹ فارم X پر ایک ویڈیو شیئر کیا۔ اس ویڈیو میں پون کھیڑا بی جے پی کی ذہنیت پر سوال اٹھا رہے ہیں۔

کانگریس رہنما  پون کھیڑا نے انوراگ ٹھاکر کے راہل گاندھی کی ذات پر سوال اٹھانے والے بیان پر جوابی حملہ کیا۔ انہوں نے کہا کہ 'راہل گاندھی کے والد کا نام شہید راجیو گاندھی ہے اور راہل گاندھی کی ذات شہادت ہے جسے انوراگ ٹھاکر، آر ایس ایس اور بی جے پی نہیں سمجھیں گی۔' انہوں نے کہا کہ’’ آپ گاندھی خاندان کو جتنی بھی گالی دیں، ہندوستان میں ذات پات کی مردم شماری ہوکر  رہے گی۔ ‘‘پون کھیڑا نے کہا کہ انوراگ ٹھاکر کے بیان سے ملک حیران اور غمزدہ ہے۔

پون کھیڑا کے کانگریس کے ذریعہ شیئر کردہ ویڈیو میں وہ کہہ رہے ہیں کہ ہم آپ کی معافی نہیں چاہتے۔ پون کھیڑا نے کہا، 'یہ ذہنیت صرف بی جے پی کی ہو سکتی ہے، جو ایک شہید خاندان کے بیٹے کے لیے نازیبا الفاظ استعمال کرتی ہے۔ اچھا جو چاہو کہتے رہو۔ ہمیں آپ کی معافی کی ضرورت نہیں، لیکن ہندوستان میں ذات پات کی مردم شماری ہوگی۔

پون کھیڑا نے ایکس اکاؤنٹ پر ایک ویڈیو بھی پوسٹ کیا۔ پون کھیڑا نے کہا، 'انوراگ ٹھاکر، ہمیں آپ سے ہمدردی ہے کہ آپ کی وزارت چھین لی گئی۔ آپ ہماری پارٹی اور لیڈروں کو گالی دے کر اپنا غصہ نکال رہے ہیں، لیکن ہمیں خوشی ہے کہ آپ نے پہلے ہی اصلاح کر لی ہے اور گولیوں سے گالیوں کی طرف آ گئے ہیں۔ انہوں نے انوراگ ٹھاکر کے کئی پرانے ویڈیوز بھی شیئر کیے جس میں وہ اشتعال انگیز نعرے لگا رہے ہیں۔

منگل یعنی 30 جولائی  کو لوک سبھا میں، بی جے پی لیڈر انوراگ ٹھاکر نے کہا، 'جس کی ذات معلوم نہیں وہ حساب کی بات کرتا ہے۔' اس کے بعد ہی اپوزیشن ارکان نے ایوان میں ہنگامہ کیا اور نعرے بازی کی۔ راہل گاندھی بھی فوراً کھڑے ہوئے اور الزام لگایا کہ انوراگ ٹھاکر جی نے میری توہین کی ہے۔

راہل گاندھی کے ساتھ ساتھ ایس پی صدر اکھلیش یادو نے بھی انوراگ ٹھاکر کے ذات پات کے بیان پر نشانہ لگایا۔ راہل گاندھی نے کہا، 'انوراگ ٹھاکر جی نے میری توہین کی ہے لیکن میں ان سے معافی نہیں چاہتا اور مجھے اس کی ضرورت نہیں ہے۔ آپ جتنی چاہیں گالی دے سکتے ہیں لیکن میں آپ سے کبھی معافی نہیں مانگوں گا۔‘