ملک میں کالا دھن بڑھ جائے گا اگر حکومت نے انڈیکسیشن بینیفٹ ہٹایا: راگھو چڈھا کی وارننگ

حزب اختلاف کی  پارٹیاں جائیداد کی فروخت پر لانگ ٹرم کیپٹل گین ٹیکس کا حساب لگانے کے لیے انڈیکسیشن فائدہ ہٹانے کے مرکزی حکومت کے فیصلے کی مسلسل مخالفت کر رہی ہیں۔ اس تناظر میں عام آدمی پارٹی کے رہنما راگھو چڈھا نے بھی کل25 جولائی کو ایوان میں اس کی مخالفت کی۔

راگھو چڈھا نے کہا، 'دنیا بھر میں سرمایہ کاروں کو سرمایہ کاری کی ترغیب دی جاتی ہے لیکن اس ملک میں انڈیکسیشن کو ہٹا کر سرمایہ کاروں کی حوصلہ شکنی کی جا رہی ہے۔ طویل مدتی سرمایہ کاری کے لیے اشاریہ سازی ضروری ہے اور میں حکومت سے درخواست کروں گا کہ اسے ختم نہ کرے۔

عام آدمی پارٹی کے رکن پارلیمنٹ راگھو چڈھا نے کہا، 'انڈیکسیشن کو ہٹانا ٹیکس نہیں لگا رہا ہے، یہ سرمایہ کاروں کو سزا دے رہا ہے۔ افراط زر پیسے کو کھا جاتا ہے، یہی وجہ ہے کہ ہم حصول کی لاگت کو انڈیکس کرکے کیپٹل گین ٹیکس کا حساب لگاتے ہیں۔ انڈیکسیشن کو ہٹانا اس ملک کے سرمایہ کاروں کو لوٹنے کے مترادف ہے۔

انہوں نے کہا 'میں اس ایوان میں پیش گوئی کرتا ہوں کہ اگر حکومت نے انڈیکسیشن کو واپس  لاگو نہیں کیا تو تین چیزیں ہونے والی ہیں۔ پہلا یہ کہ رئیل اسٹیٹ میں سرمایہ کاری گرنے والی ہے اور لوگ اپنے خوابوں کا گھر کبھی نہیں خرید پائیں گے۔ دوسرا جائیداد کے سودوں کی انڈر ویلیوایشن ہوگی، ہر کوئی سرکل ریٹ پر جائیداد کی خرید و فروخت کرے گا اور اصل ریٹ کوئی نہیں بتائے گا اور تیسرا یہ کہ اس ملک میں کیا ہونے والا ہے کہ کالا دھن بہت بڑی مقدار میں آنے جا رہا ہے۔اس لئے حکومت کو انڈیکسیشن کا یہ فیصلہ واپس  لینا ضروری ہے۔

وزیر خزانہ نرملا سیتا رمن نے جائیداد کی فروخت پر لانگ ٹرم کیپٹل گین ٹیکس کو 20 فیصد سے کم کر کے 12.50 فیصد کر دیا ہے لیکن کہا ہے کہ انڈیکس کا فائدہ نہیں ملے گا۔ واضح رہے کہ مرکز کے اس فیصلے کے بعد پورے رئیل اسٹیٹ سیکٹر میں خوف و ہراس ہے۔