پنجاب: ترن تارن میں پولیس اسٹیشن پر راکٹ لانچر سے حملہ، نامعلوم افراد نے بنایا نشانہ

نئی دہلی: پنجاب میں ایک بار پھر پولیس اسٹیشن پر راکٹ لانچر سے حملہ کیا گیا ہے۔ یہ حملہ ضلع ترن تارن کے تھانہ سرہالی پر کیا گیا ہے۔ رپورٹ کے مطابق جمعہ کی رات دیر گئے ہونے والے اس حملے میں عمارت کے شیشے ٹوٹ گئے۔ اس واقعے میں ابھی تک کسی جانی نقصان کی اطلاع نہیں ہے۔ وہیں، حملہ آوروں کی ابھی تک شناخت نہیں ہو سکی ہے۔

واقعہ کے بعد علاقہ کی پولیس متحرک ہو گئی ہے۔ بتایا جا رہا ہے کہ رات ایک بجے کے قریب پولیس اسٹیشن کو نشانہ بنا کر راکٹ لانچر سے حملہ کیا گیا۔ خیل رہے کہ اس سے پہلے موہالی کے سیکٹر 77 میں آر پی جی پر بھی حملہ ہوا تھا۔ کہا جا رہا ہے کہ راکٹ لانچر پہلے کسی اور عمارت سے ٹکرایا اور اس کے بعد پولیس اسٹیشن میں گرا۔ اس حملے کے بعد پورے علاقے کو سیل کر دیا گیا ہے۔

انٹیلی جنس ایجنسیوں نے اس حملے کی تصدیق کی ہے۔ براہ راست ہٹ نہ ہونے کی وجہ سے اس کا اثر کم ہوا۔ سرہالی کا علاقہ جہاں حملہ ہوا، یہ بدنام زمانہ گینگسٹر ہرویندر سنگھ عرف رندا کا علاقہ بتایا جاتا ہے۔ حال ہی میں رندا کی پاکستان میں موت ہو گئی تھی۔