پہلی ہی برسات میں ٹپکنے لگا 3000 کروڑ کی لاگت سے بنا اسٹیچو آف یونٹی

كیوڑيا: دنیا کے بلند ترین مجسمہ کے طور پر وسط گجرات کے ضلع نرمدا میں كیوڑيا کے نزدیک نصب سردار بلبھ بھائی پٹیل کا 182 میٹر کا عظیم الشان مجسمہ اپنی نقاب کشائی کے بعد پہلی ہی بارش میں برساتی پانی کے رساو اور ٹپکنے کے مسائل کا سامنا کر رہا ہے۔

تقریبا 3000 کروڑ کی لاگت سے تعمیر اس مجسمہ کا افتتاح وزیر اعظم نریندر مودی نے گزشتہ برس 31 اکتوبر کو کیا تھا ۔ دلچسپ بات یہ ہے کہ اب تک ضلع نرمدا کے گروڑیشور علاقہ ، جس میں یہ واقع ہے ، میں کوئی بھاری بارش بھی نہیں ہوئی ہے ۔ وہاں گزشتہ 24 گھنٹے میں صرف 11 ملی میٹر اور اب تک کے بارش سیزن میں محض پانچ فیصد بارش درج ہوئی ہے۔

البتہ آج صبح سے دوپہر تک وہاں 31 ملی میٹر سے زائد بارش ہوئی تھی۔ مجسمے کے سینے میں دل کی جگہ 153 میٹر کی اونچائی پر بنی ويونگ گیلری میں بھی برساتی پانی بھر گیا ہے۔ مجسمہ کی تعمیر اور دیکھ ریکھ کا کام لارسن اینڈ ٹبرو کمپنی کرتی ہے۔ نرمدا ضلع کے کلیکٹر آئی کے پٹیل نے یو این آئی سے بات چیت میں آج اعتراف کیا کہ مجسمے کے کچھ حصوں میں رساو کا مسئلہ ہے اور اسے دور کرنے کی کوشش کی جا رہی ہے۔ حالانکہ انہوں نے اس بات سے انکار کیا کہ ويونگ گیلری میں پانی کا جمع ہو نا کسی خرابی کی وجہ سے ہو رہا ہے۔

آئی کے پٹیل نے مزید کہا کہ ويونگ گیلری کا ڈیزائن ہی ایسا تیار کیا گیا ہے کہ برسات کے دوران اس میں پانی آئے۔ اسے بند کرنے پر سیاح ’برڈ آئی ویو‘ سے محروم ہو جائیں گے۔ اس میں پانی کی نکاسی کے لئے چینل بھی بنایا گیا ہے۔ رساو کی بات تو صحیح ہے لیکن ويونگ گیلری میں کوئی تکنیکی مسئلہ نہیں ہے۔ یہ ڈیزائن کی وجہ سے ہے خرابی کی ہے۔ واضح رہے کہ بڑی تعداد میں سیاحوں کو اپنی طرف متوجہ کرنے والایہ اعظیم مجسمہ کی لفٹ میں بہار کے نائب وزیر اعلی سشیل مودی گزشتہ 13 نومبر کو تب پھنس گئے تھے جب اچانک بجلی گل ہو گئی تھی۔