کہیں الٹا نہ پڑ جائے گاڑیوں میں 6 ایئربیگ کا انتظام، آئی آر ایف نے حکومت سے کی نوٹیفکیشن واپس لینے کی گزارش

سڑک سیکورٹی ادارہ انٹرنیشنل روڈ فیڈریشن (آئی آر ایف) نے مرکزی وزیر برائے ٹرانسپورٹ و شاہراہ نتن گڈکری سے گزارش کی ہے کہ وہ یکم اکتوبر 2023 سے مسافر گاڑیوں میں 6 ایئربیگ لازمی قرار دینے والے نوٹیفکیشن کو واپس لے لیں۔ آئی آر ایف نے کہا کہ یہ برعکس ہو سکتا ہے جس کے نتیجہ کار زیادہ سنگین چوٹیں اور اموات ہو سکتی ہیں اگر گاڑیوں میں مسافروں کے ذریعہ سیٹ بیلٹ نہیں پہنی جاتی ہے۔

وزارت کو لکھے خط میں کہا گیا ہے کہ جب 85 فیصد لوگ پیچھے کی سیٹ بیلٹ پہننا شروع کر دیں تو مسافر گاڑیوں میں 6 ایئربیگ لازمی کر دیئے جائیں۔ انٹرنیشنل روڈ فیڈریشن کے سربراہ امیریٹس کے کے کپلا نے کہا کہ ’’ایک بار جب یہ نمبر پورے ہندوستان میں 85 فیصد کو پار کر جاتا ہے تو حکومت کو 6 ایئربیگ کی اس سہولت کو آگے بڑھانا چاہیے۔ ورنہ یہ معاملہ الٹا پڑ جائے گا اور ہم مزید ہلاکتیں دیکھیں گے۔‘‘

کپلا کا کہنا ہے کہ ’’جب تک لوگ پیچھے کی سیٹ بیلٹ پہننا شروع نہیں کرتے، 6 ایئربیگ کا سسٹم الٹا پڑ جائے گا۔ یعنی زیادہ خطرناک حادثات پیش آ سکتے ہیں۔ ایک حادثہ میں سیٹ بیلٹ ترجیحی حفاظتی سامان ہوتی ہیں جب کہ ایئربیگ ضمنی سامان ہوتا ہے۔ بلکہ کئی عالمی تحقیق سے پتہ چلا ہے کہ اگر بغیر سیٹ بیلٹ کے ایک ایئربیگ تعینات کیا جاتا ہے تو اس سے سنگین چوٹ لگ سکتی ہے اور یہاں تک کہ موت بھی ہو سکتی ہے۔‘‘

کپلا اس معاملے میں مزید وضاحت کرتے ہوئے کہتے ہیں کہ ’’سیٹ بیلٹ اور ایئربیگ آپس میں جڑے ہوئے ہیں۔ بغیر سیٹ بیلٹ والے ایئربیگ سے سنگین چوٹ لگ سکتی ہے اور موت بھی ہو سکتی ہے۔ اس لیے سنگین چوٹ سے بچنے کے لیے سیٹ بیلٹ کا استعمال کرنا چاہیے۔ ایئربیگ کو خصوصی طور پر سیٹ بیلٹ کے ساتھ استعمال کرنے کے لیے ڈیزائن کیا گیا تھا، جو سنگین چوٹوں کی وجہ بن سکتے ہیں جو سیٹ بیلٹ کے ذریعہ ٹھیک سے منظم نہیں ہوتے ہیں، جب ایئر بیگ موجود ہوتے ہیں تو وہ ’حالات سے باہر‘ ہوتے ہیں۔