مرمو، دھنکھڑ، مودی نے ہم وطنوں کو عید کی مبارکباد دی

عیدالفطر کا تہوار ہفتہ کو پورے ملک میں دھوم دھام سے منایا جا رہا ہے۔ صدر دروپدی مرمو، نائب صدر جگدیپ دھنکھڑ اور وزیر اعظم نریندر مودی نے ہم وطنوں کو عید کی مبارکباد دی ہے۔

راشٹرپتی بھون کی طرف سے جاری کردہ ایک بیان میں کہا گیا ہے کہ عید رمضان کے مقدس مہینے کے اختتام کی علامت ہے۔ عید محبت اور ہمدردی کے جذبات بانٹنے کا تہوار ہے۔ یہ تہوار ہمیں اتحاد اور باہمی ہم آہنگی کا پیغام دیتا ہے۔

محترمہ مرمو نے عید الفطر کی مبارکباد دیتے ہوئے تمام سے کہا کہ وہ بھائی چارے کو فروغ دینے کا عہد کریں۔ صدر مملکت نے کہا کہ عید ہم آہنگی کے جذبے سے عبارت ہے جو ہمیں پرامن اور خوشحال معاشرے کی تعمیر کی تحریک دیتی ہے۔ ہندوستان کی خاتون اول نے کہا، "میں ہندوستان اور بیرون ملک مقیم تمام شہریوں کو، خاص طور پر ہمارے مسلمان بھائیوں اور بہنوں کو عید الفطر کے موقع پر اپنی دلی مبارکباد اور نیک خواہشات پیش کرتی ہوں۔"

نائب صدر جگدیپ دھنکھڑ نے اپنے عید الفطر کے مبارکبادی پیغام میں کہا کہ رمضان کے مقدس مہینے کے اختتام پر منایا جانے والا عید الفطر کا تہوار ایک دوسرے کے ساتھ خوشیاں بانٹنے کا ایک اچھا موقع ہے۔ تمام مل جل کر اسے بڑی خوشی اور جوش و خروش کے ساتھ مناتے ہیں۔

انہوں نے کہا، "عید الفطر کے اس پرمسرت موقع پر میں اہل وطن کو دلی مبارکباد اور نیک خواہشات پیش کرتا ہوں۔ آئیے ہم اس تہوار میں ہمدردی، سخاوت اور بھائی چارے کی انسانی اقدار کو اپناتے ہوئے انسانیت کی خدمت کے لیے خود کو وقف کرنے کا عزم کریں۔

وزیر اعظم مودی نے عید الفطر کی مبارکباد دیتے ہوئے کہا کہ ہمارے معاشرے میں ہم آہنگی اور ہمدردی کے جذبے کو آگے بڑھایا جائے۔ میں سب کی شاندار صحت اور تندرستی کے لیے بھی دعا کرتا ہوں۔ عید مبارک!

مسٹر مودی نے بنگلہ دیش کی وزیر اعظم شیخ حسینہ کو عید کی مبارکباد دی۔ قبل ازیں جمعہ کو وزیراعظم نے پورے دنیا کے لوگوں کے لیے امن، صحت اور خوشی کی خواہش کی۔ انہوں نے کہا کہ ہندوستان کے لوگوں کی طرف سے میں آپ کو اور بنگلہ دیش کے لوگوں کو عید کی مبارکباد دیتا ہوں۔ مسٹر مودی نے کہا کہ رمضان کے دوران پوری دنیا کے مسلمان روزہ رکھتے ہیں اور نماز پڑھتے ہیں۔ عیدالفطر کے پرمسرت موقع پر دنیا کے لوگ اتحاد کے اقدار کو محسوس کررہے ہیں۔

عید الفطر کے موقع پر قومی دارالحکومت دہلی کی جامع مسجد پر لوگوں نے نماز ادا کی۔ اس دوران لوگوں کی بڑی تعداد موجود تھی۔ عید الفطر کے موقع پر دہلی کی جامع مسجد میں نماز ادا کرنے کے بعد لوگ ایک دوسرے سے گلے ملے۔ پوری دہلی میں لوگوں نے جوش وخروش کے ساتھ مساجد میں عید کی نماز ادا کی اور ایک دوسرے سے گلے مل کر عیدالفطر کی مبارکباد دی۔