یوپی میں شدید گرمی کے دوران بجلی کا بحران، تین یونٹوں میں پیداواری ٹھپ

لکھنؤ: اتر پردیش میں چلچلاتی گرمی اور گرمی کی لہر سے لوگوں کی مشکلات میں اضافہ ہو گیا ہے۔ ریاست میں شدید گرمی کے درمیان تین یونٹوں نے کام کرنا کرنا بند کر دیا ہے اور 1070 میگاواٹ بجلی کی پیداوار ٹھکپ ہو گئی ہے۔ بتایا جا رہا ہے کہ ان یونٹوں میں بوائلر ٹیوب لیک ہو گیا ہے، جس کی مرمت میں 2 سے 3 دن لگ سکتے ہیں۔

ریاست میں شدید گرمی کے درمیان بجلی کی کھپت میں اضافہ ہوا ہے۔ ان دنوں بجلی کی طلب 28 سے 29 ہزار میگاواٹ کے درمیان ہے۔ دریں اثنا، اتر پردیش اسٹیٹ لوڈ ڈسپیچ سینٹر کی رپورٹ کے مطابق، 18 اور 22 مئی کے درمیان 4 یونٹس سے بجلی کی پیداوار ٹھپ ہو گئی۔

وہیں، اوبرا کی 200 میگاواٹ، اونچہار کی 210 میگاواٹ اور للت پور کی 660 میگاواٹ بجلی کی پیداوار بھی ٹھپ ہو گئی ہے۔ ایسی صورتحال میں 1070 میگاواٹ بجلی کی پیداوار شروع ہونے میں تقریباً 2 دن لگ سکتے ہیں۔ بتایا جا رہا ہے کہ بوائلر ٹھنڈا ہونے کے بعد ہی لیکیج کو ٹھیک کیا جائے گا۔