پاکستان: حمزہ شہباز پنجاب کے وزیر اعلیٰ منتخب

اسلام آباد: پاکستان مسلم لیگ نواز (پی ایم ایل این) کے امیدوار اور صوبہ پنجاب کے موجودہ وزیر اعلیٰ حمزہ شہباز نے جمعہ کو تین ووٹوں سے جیت حاصل کر لی۔ حمزہ نے پاکستان تحریک انصاف (پی ٹی آئی) اور پاکستان مسلم لیگ ق (پی ایم ایل کیو) کے مشترکہ امیدوار کو شکست دے کر اپنی کرسی برقرار رکھنے میں کامیابی حاصل کی ہے۔

رپورٹوں میں کہا گیا ہے کہ پاکستان پیپلز پارٹی (پی پی پی) کے شریک چیئرمین آصف زرداری اور پی ایم ایل کیو کے صدر چوہدری شجاعت حسین نے پارٹی کے قانون سازوں کو خطوط بھیج کر مسٹر حمزہ شہباز کو ووٹ دینے کی ہدایت دی۔ خط میں مسٹر عمران خان کی پارٹی پی ٹی آئی کے امیدوار چوہدری پرویز الٰہی کو ووٹ ڈالنے سے منع کیا گیا تھا۔

چودھری شجاعت کے خط نے پی ایم ایل کیو کے قانون سازوں کے ووٹ غیر موثر بنادیئے۔ آئین کے آرٹیکل 63- اے کی تشریح کے حوالے سے پاکستان کی سپریم کورٹ کے حالیہ فیصلے کے مدنظر انہیں خارج کردیا گیا۔ اپوزیشن امیدوار چوہدری پرویز الٰہی نے 186 ووٹ حاصل کیے جب کہ شہباز شریف کو 179 ووٹ ملے تھے۔

ڈپٹی اسپیکر سردار دوست محمد مزاری نے سپریم کورٹ کے حکم کے مطابق پی ایم ایل کیو کے ووٹوں کو خارج کردیا جس میں کہا گیا ہے کہ پارٹی سربراہ کی ہدایت کے خلاف ایم ایل اے کے ڈالے گئے ووٹوں کو شمار نہیں کیا جائے گا اور ایسے قانون سازوں کو بھی ہٹا دیا جائے گا۔