سابق وزیر اعظم راجیو گاندھی کی برسی کے موقع پر راہل گاندھی نے والد کو یاد کیا

نئی دہلی: ہندوستان کے سابق وزیر اعظم راجیو گاندھی کی 77ویں سالگرہ کے موقع پر قوم انہیں یاد کر رہی ہے۔ اس موقع پر کانگریس کے سابق صدر اور راجیو گاندھی کے صاحب زادے راہل گاندھی ویر بھومی پہنچے اور راجیو گاندھی کی آخری آرام گاہ ویر بھومی پر انہیں گلہائے عقیدت پیش کئے۔ اس موقع پر غلام نبی آزاد اور ادھیر رنجن چودھری سمیت دیگر کانگریس لیڈران بھی موجود رہے۔

وزیر اعظم نریندر مودی نے بھی ٹوئٹ کر کے سابق وزیر اعظم نریندر مودی کو ان کی سالگرہ پر خراج عقیدت پیش کیا ہے۔

اتر پردیش کی حکومت راجیو گاندھی کی سالگرہ 20 اگست کو یوم خیرسگالی کے طور پر منا رہی ہے۔ ریاستی حکومت کی طرف سے تمام محکموں کو اس بارے میں ہدایات دی گئی ہیں۔

خیال رہے کہ راجیو گاندھی کی پیدائش 20 اگست 1944 کو ہوئی تھی۔ وہ ہندوستان کے سب سے کم عمر کے وزیر اعظم تھے۔ اندرا گاندھی کو قتل کئے جانے کے بعد 40 سال کی عمر میں راجیو گاندھی نے وزیر اعظم کا عہدہ سنبھالا تھا۔ اس کے بعد بھی جب انتخابات ہوئے تو راجیو گاندھی کی قیادت میں کانگریس نے تاریخی جیت درج کی۔