ڈوسو انتخابات: این ایس یو آئی کا دو سیٹوں پر قبضہ

نئی دہلی : دہلی یونیورسٹی اسٹوڈنٹس یونین کے انتخابات میں این ایس یو آئی نے شاندار کارکردگی درج کی ہے اور اس نے 4 میں سے 2 سیٹوں پر قبضہ کر لیاہے۔بی جے پی کی طلباء تنظیم اکھل بھارتیہ ودیارتھی پریشد (اے بی وی پی ) مشکل سے دو سیٹ بچا پائی ہے۔ کانگریس کی طلباء تنظیم این ایس یو آئی نے صدراور نائب صدر کی سیٹیں اپنے نام کی ہیں۔ واضح رہے، پہلے خبر آئی تھی کہ این ایس یو آئی نے جوائنٹ سیکرٹری کے عہدے پر بھی جیت حاصل کر لی ہے۔ لیکن دوباری کاؤنٹنگ کے بعد اے بی وی پی کے امیدوار کو فتحیاب قرار دے دیا گیا۔

این ایس یو آئی نے آخری بار 2012 میں چاروں سیٹوں پر کامیابی حاصل کی تھی۔ صدر کے لئے راکی تشیر ، نائب صدر کے لئے کنال سہراوت یادوکامیاب ہوئے ہیں۔