پٹرول-ڈیزل کی لگاتار بڑھتی قیمتوں کے خلاف این ایس یو آئی کا زبردست مظاہرہ

پٹرول و ڈیزل کی لگاتار بڑھتی قیمتوں کو لے کر سیاست تیز ہو گئی ہے۔ این ایس یو آئی نے قیمتوں میں اضافہ کے خلاف آج علامتی احتجاجی مظاہرہ بھی کیا۔ این ایس یو آئی کے مطابق جب سے بی جے پی اقتدار میں آئی ہے، پٹرول اور ڈیزل کی قیمتوں میں لگاتار اضافہ دیکھنے کو مل رہا ہے۔ آج این ایس یو آئی کارکنان نے اس اضافہ کے خلاف زبردست احتجاجی مظاہرہ کیا۔ یہ دوپہیہ گاڑی کو ٹھیلے پر لے کر جن پتھ واقع پٹرول پمپ پہنچے اور حکومت کے خلاف نعرے بازی کی۔ این ایس یو آئی کارکنان نے ایندھن کی قیمت میں فوری طور پر کمی کا مطالبہ بھی کیا۔

اس احتجاجی مظاہرہ میں این ایس یو آئی کے سینکڑوں کارکنان موجود تھے۔ کارکنان نے کہا کہ بی جے پی حکومت پٹرول و ڈیزل کی قیمتیں لگاتار بڑھا رہی ہے اور گزشتہ کچھ ہفتوں میں ہی قیمتیں آسمان کو چھو گئی ہیں۔ اس سے پہلے بھی این ایس یو آئی اور انڈین یوتھ کانگریس کارکنا بڑھتی مہنگائی اور ایندھن کی قیمتوں میں اضافہ کے خلاف احتجاجی مظاہرہ کر چکے ہیں۔