کسی کو بھی وزیراعلی بنا دیں،میری کوئی خواہش نہیں، نتیش کا چھلکا درد

وزیر اعلی نتیش کمار کے بیان سےیہ تو واضح ہوگیا ہے کہ اس مرتبہ وہ وزیر اعلی ضرور بن گئے ہیں لیکن وہ خوش نہیں ہیں کیونکہ ان کی سیٹیں اتنی کم ہیں جس کی وجہ سےوہ مستقل خطرہ محسوس کر رہے ہیں ۔ انہوں نے کل بیان دیا کہ وزیر اعلی کا عہدہ سنبھالنے کےلئےان پر دباؤ ڈالا گیا جبھی انہوں نے اسے قبول کیا ۔ انہوں نے مزید کہا کہ کوئی بھی وزیر اعلی بنےان کو کوئی فرق نہیں پڑتااور اس عہدہ پر بنے رہنے کی ان کی کوئی خواہش نہیں ہے۔

واضح رہےنتیش کمار نے اس سال ساتوی مرتبہ بہار کے وزیر اعلی کےعہدےکا حلف لیاہے اور انتخابی مہم کےدوران انہوں نےکہا تھا کہ یہ ان کاآخری چناؤ ہے۔ اس مرتبہ جنتا دل یو کی سیٹیں بہت کم آئی ہیں اور بی جے پی کی زیادہ سیٹیں ہونےکی وجہ سے نتیش کمار پر مستقل دباؤ بنا ہوا ہے۔ اس دباؤ کے بیچ جنتا دل یو کے اروناچل میں ارکان اسمبلی بی جے پی میں شامل ہو گئے ہیں اور جنتا دل یو کے کارکن اس بات سے بی جے پی سے بہت غصہ ہیں۔

جنتا دل یو کے نئے صدر رام چندر پرتاپ سنگھ عرف آر ایس پی نےذمہ داری سنبھالتےہی بی جےپی کو یہ پیغام دینے کی کوشش کی ہے کہ وہ جنتا دل کو ہلکے میں نہ لے۔آر سی پی نے کہا ہے کہ جنتا دل یو نہ تو کسی کے پیٹھ میں چھرا گھونپ تھی اور نہ ہی ایسا کرنےکا کسی کو موقع دیتی ہے۔

بہار کانگریس نےنتیش کمار کےبیان کو محض ڈرامہ قرار دیا ہے۔کانگریس کے ترجمان راجیش راٹھور نے کہا کہ نتیش کمار ڈرامہ کر رہےہیں ۔ انہوں نےپوچھا کی نتیش کو کوئی زبردستی وزیر اعلی کیوں بنائےگا؟انہوں نے کہا کہ سال 2014 میں لوک سبھاانتخابات ہارنے کےبعد نتیش نے جیتن رام مانجھی کو وزیر اعلی بنایا تھا لیکن بعد میں خود وزیر اعلی بن گئےتھے۔ انہوں نے کہاکہ دراصل نتیش کمار بی جےپی سےپریشان ہیں۔