بیرون ملک سے 9 لاکھ 35 ہزار عازمین فریضہ حج کے لیے سعودی عرب پہنچے

حج سیزن کی آمد کے ساتھ ہی دنیا بھر سے فرزندان توحید کا حجاز مقدس کا سفر جاری ہے اور دن رات عازمین حج قافلوں کی شکل میں مملکت میں فضائی ، زمینی اور سمندری راستوں سے داخل ہو رہے ہیں۔

سعودی عرب کے جنرل ڈائریکٹوریٹ آف پاسپورٹ نے اس سال حج سیزن 1445ھ کے دوران مملکت کی تمام فضائی، زمینی اور سمندری راہ داریوں سے 935,966 عازمین حج کی آمد کی تصدیق کی ہے۔

انہوں نے واضح کیا کہ سعودی عرب کے باہر سے ہوائی اڈوں کے ذریعے آنے والے عازمین کی تعداد 896,287 تک پہنچ گئی جبکہ زمینی بندر گاہوں کے ذریعے آنے والے عازمین کی تعداد 37,280 ہے جب کہ سمندر کے راستوں سے سب سے کم عازمین یعنی کل 2,399 عازمین مملکت میں پہنچے ہیں۔

العربیہ ڈاٹ نیٹ