اوڈیشہ میں بی جے پی کی نوین پٹنائک سے بات چیت ناکام، اب اکیلے لڑے گی لوک سبھا و اسمبلی انتخابات

دراصل ریاست میں بھارتیہ جنتا پارٹی اور بیجو جنتا دل کے درمیان اتحاد کو لے کر کئی دنوں سے مذاکرات چل رہے تھے۔ میڈیا میں لگاتار کہا جا رہا تھا کیہ دونوں پارٹیاں اتحاد کر کے لوک سبھا اور اسمبلی انتخابات لڑیں گی لیکن معاملہ اٹکا رہا اور بی جے پی نے اب اکیلے الیکشن لڑنے کا اعلان کر دیا ہے۔

بی جے پی کے ریاستی صدر منموہن سامل نے سوشل میڈیا پلیٹ فارم پر اعلان کیا کہ ہم مختلف معاملات میں ہمارا ساتھ دینے پر ان کا شکریہ ادا کرتے ہیں۔ یہ تجربہ رہا ہے کہ ملک میں جہاں بھی ڈبل انجن والی حکومت رہی ہے وہاں ترقی اور غریبوں کی فلاح و بہبود کے کام میں تیزی آئی اور ریاست نے ہر میدان میں ترقی کی ہے لیکن آج مودی حکومت کی کئی فلاحی اسکیمیں اوڈیشہ میں زمین پر نہیں پہنچ رہی ہیں جس کی وجہ سے اوڈیشہ کے غریب بہن بھائیوں کو ان کا فائدہ نہیں مل رہا ہے۔