ممبئی کےآزاد میدان میں بڑی تعداد میں کسان جمع، شرد پوار شامل ہوں گے ریلی میں

نئےزرعی قوانین کے خلاف دہلی کی سرحدوں پر کسان احتجاج کر رہے ہیں اور ان کامرکزی حکومت سےمطالبہ ہےکہ یہ قوانین واپس لئے جائیں۔کسانوں کی اس تحریک کی حمایت میں ممبئی کےآزاد میدان میں مہاراشٹر کےکسان احتجاج کریں گے ۔آزاد میدان کی اس ریلی کو کل ہند کسان سبھا نے منعقد کیا ہے اور امید کی جا رہی ہے مہاراشٹر کے مختلف علاقوں سے پچاس ہزار سے زیادہ کسان اس میں شرکت کریں گے۔

این سی پی رہنما اور سابق مرکزی وزیر زرعات شرد پوار ،مہاراشٹر کانگریس کے ریاستی صدر بالا صاحب تھوراٹ اور شیو سینا کے آدتیہ ٹھاکرےریلی میں شرکت کریں گےاور خطاب کریں گے۔کسانوں کی ریلی سےخطاب کرنےکے بعد ایک وفد ریاست کے گورنر بھگت سنگھ کوشیاری سےملےگا اور ان کو ایک قرارداد دپیش کرے گا اور ممکن ہے کسان گورنر ہاؤس تک مارچ بھی کریں۔

بی جےپی نے شرد پوار پراپنے حملےتیز کر دئےہیں ۔ بی جےپی کےکریٹ سومیا نے کہا ہےکہ ’’شرد پوار کنٹریکٹ فارمنگ کے خلاف بیان دینےجارہے ہیں لیکن بارامتی میں بڑے اشتہار لگے ہوئےہیں جن پر لکھاہے ’بارامتی ایگرو کنٹریکٹفارمنگ بائی روہت پوار‘۔‘‘

واضح رہےدہلی میں 26 جنوری کو ٹریکٹر ریلی نکالنے کےلئےکسان اور دہلی پولیس میں راستوں کو لےکر سمجھوتہ ہو گیا ہےاور اس کے لئے کسانوں میں زبردست تیاری چل رہی ہے۔