ممبئی: اسٹریٹ وینڈر نے اڑائے نوکری کرنے والوں کے ہوش! وڑا پاؤ فروخت کرکے کرتا ہے لاکھوں کی کمائی

ملک میں زیادہ تر لوگ نوکری کے ذریعہ چھوٹی سطح سے شروع کرکے ٹاپ مینجمنٹ میں جانے کا خواب دیکھتے ہیں اور زیادہ سے زیادہ تنخواہ پانے کی خواہش رکھتے ہیں تاکہ اپنی زندگی خوشحال طریقے سے گزار سکیں۔ لیکن یہ ایک حقیقت ہے کہ یہاں آج بھی زیادہ تر لوگ ایک لاکھ روپیہ مہینہ تنخواہ حاصل کرنے سے کافی دور ہیں۔ وہیں ممبئی میں سڑک کنارے ٹھیلہ لگا کر وڑا پاؤ فروخت کرنے والے ایک شخص کی کمائی نے سبھی کو حیران کر دیا ہے۔

دراصل ایک وائرل ویڈیو سامنے آیا ہے جس کے قریب 1 کروڑ ویوز آچکے ہیں۔ انسٹاگرام پر آئے اس ویڈیو میں بتایا گیا ہے کہ وڑا پاؤ بیچنے والے اس اسٹریٹ وینڈر کی سالانہ کمائی 24 لاکھ روپے ہے۔ اس اسٹریٹ وینڈر کی مہینہ کی کمائی تقریباً 2.80 لاکھ روپے ہے، جس میں سے وہ 80 ہزار روپے مہینہ خرچ کرتا ہے۔ اس طرح اسے ہر مہینہ 2 لاکھ روپے کی بچت ہوتی ہے۔

اسٹریٹ وینڈر کی لاکھوں روپے کی کمائی سن کر لوگوں کے ہوش اڑ گئے ہیں۔ ساتھ ہی اس ویڈیو نے اسٹریٹ وینڈروں کی کمائی پر سے پردہ اٹھانے کا کام کیا ہے۔ اس سے لوگوں کو سمجھ میں آ رہا ہے کہ پیسہ کمانے کے لیے کسی گلوبل کمپنی کے کانچ کے دفتر میں بیٹھنا ضروری نہیں ہے۔

یہ سبھی کو پتہ ہے کہ ممبئی سمیت پورے مہاراشٹر میں بڑا پاؤ کا الگ ہی کریز ہے۔ لوگ اس اسٹریٹ فوڈ کو کافی پسند کرتے ہیں۔ ویڈیو میں بڑا پاؤ بیچنے والا کہتا ہے کہ صبح سے ہی ہم قریب 200 وڑا پاؤ بیچ چکے تھے۔ شام ہوتے ہوتے یہ اعداد و شمار 622 پر پہنچ گیا۔ ایک وڑے پاؤ کی قیمت 15 روپے ہے۔ اس طرح اس کی روزانہ کی کمائی قریب 9300 روپے ہو جاتی ہے۔ اگر آپ اسے پورے مہینہ میں دیکھیں تو کمائی 2.80 لاکھ روپے سے اوپر تک پہنچ جائے گی۔

وائرل ویڈیو پر کئی یوزرس نے مزیدار کمنٹس بھی کیے ہیں۔ ایک نے لکھا " مجھے سمجھ نہیں آ رہا ہے کہ میں اپنی زندگی کے ساتھ کیا کر رہا ہوں"۔ وہیں دوسرے نے لکھا ہے کہ اب وقت آ گیا ہے کہ میں بھی فوڈ کارٹ شروع کر دوں۔ ایک دیگر نے اسے صحیح لوکیشن کا کھیل بتایا ہے۔ حالانکہ ان سب کے درمیان لوگ حیران ہیں کہ سڑک کنارے بزنس کر رہے لوگ اتنی زبردست کمائی کر رہے ہیں۔