ممبئی: گھاٹ کوپر ہورڈنگ حادثہ معاملہ کی تحقیقات کے لئے ایس آئی ٹی تشکیل
ملک کی تجارتی راجدھانی کو ہلا کر رکھ دینے والے گھاٹ کوپر ہورڈنگ حادثے کی تحقیقات کے لیے ممبئی کی کرائم برانچ نے ایک خصوصی تفتیشی ٹیم (ایس آئی ٹی) تشکیل دی ہے
![<div class="paragraphs"><p>ہورڈنگ حادثہ / آئی اے این ایس</p></div>](https://media.assettype.com/qaumiawaz%2F2024-05%2F69c4102a-5bf8-4340-b0af-a8cb9d20e89e%2Fghatkoper.jpg?rect=0%2C25%2C4000%2C2250&auto=format%2Ccompress&fmt=webp)
ہورڈنگ حادثہ / آئی اے این ایس
ممبئی: ملک کی تجارتی راجدھانی کو ہلا کر رکھ دینے والے گھاٹ کوپر ہورڈنگ حادثے کی تحقیقات کے لیے ممبئی کی کرائم برانچ نے ایک خصوصی تفتیشی ٹیم (ایس آئی ٹی) تشکیل دی ہے۔
موصولہ اطلاع کے مطابق ایس آئی ٹی میں کل 6 افسران کی تقرری کی گئی ہے۔ یونٹ 7 کے انچارج انسپکٹر مہیش تاوڑے ڈی سی پی ڈیٹیکشن کرائم برانچ وشال ٹھاکر کی نگرانی میں ٹیم کی قیادت کریں گے۔
ایس آئی ٹی نے مرکزی ملزم بھاویش بھیڑے کے گھر کی تلاشی لی اور ہورڈنگ کے معاہدے سے متعلق کچھ اہم دستاویزات کو ضبط کیا۔ ملزم بھیڑے کے مختلف بینکوں میں کل سات کھاتے ہیں۔ پولیس افسر نے کہا کہ وہ اس بات کی بھی تحقیقات کر رہے ہیں کہ ہورڈنگ کا ٹھیکہ کیسے حاصل کیا گیا اور اس سے کتنی رقم کمائی گئی۔
ایس آئی ٹی نے بھیڑے کی کمپنی میں تعینات کچھ افسران کے بیانات بھی قلمبند کئے۔ خیال رہے کہ گھاٹ کوپر میں ایک بڑا ہورڈنگ گرنے سے 16 افراد ہلاک اور متعدد زخمی ہو گئے تھے۔ ہورڈنگ کے نیچے ایک پٹرول پمپ اور کئی مکانات دب گئے تھے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔