ملائم سنگھ کی غیر حاضری، ہولی دو خیموں میں تقسیم! اکھلیش اور شیوپال نے سیفئی میں الگ الگ منایا تہوار

اٹاوہ: ملک میں موضوع بحث رہنے والی سماج وادی پارٹی ( ایس پی) فیملی کی سیفئی کی ہولی اس بار ملائم سنگھ یادو کے یہاں نہ آنے پر اکھلیش اور شیوپال کے خیموں میں تقسیم ہوگئی۔

ایک خیمہ میں ملائم سنگھ یادو کے بھائی پرگتی شیل سماج وادی پارٹی (پی ایس پی) کی تشکیل کرچکے شیوپال سنگھ یادو ہیں تودوسری جانب ایس پی سربراہ اکھلیش یادو، پارٹی کے جنرل سکریٹری پروفیسر رام گوپال یادو اور خاندان کے تمام چھوٹے بڑے سیاسی غیرسیاسی رکن کھڑے ہوئے نظرآرہے ہیں۔

سیفئی اسٹیج پر پروفیسر رام گوپال یادو جب پہنچے تو یہاں کنبہ کے سب سے بڑے ہونے کی حیثیت سے اکھلیش یادونے ان کے پیر چھوکر آشیروادلیا۔ پنچایتی انتخابات کے تعلق سے جہاں ایک طرف شیوپال سنگھ یادو نے اپنے بھتیجے اورسبکدوش ہونے والے ضلع پنچایت صدر ابھشیک یادوکو ایک بارپھر سے ضلع پنچایت صدر بنانے کا آشیرواد دیا ہے ایسے میں شیوپال کی ملائم کی ہولی دوری کہیں نہ کہیں بڑااشارہ مانا جا رہا ہے۔

سب سے بڑی اورخاص بات تویہ رہی کہ اس سے قبل ہمیشہ ایس پی سربراہ اکھلیش یادواورجنرل سکریٹری پروفیسر رام گوپال یادو کا خطاب ہواکرتا تھا جبکہ اس بار وہ خطاب آج نہیں سنائی دیا۔

شیوپال نے بھلے ہی ملائم کے آنگن کی ہولی میں اس مرتبہ شامل ہونا مناسب نہیں سمجھا جبکہ اس سے قبل گزشتہ سال ایک منچ پر اکھلیش، شیوپال تھے، لیکن تب ملائم موجودرہے تھے، لیکن اس بار ملائم کی غیرموجودگی میں اکھیلش اورشیوپال کا الگ الگ منچ سجاہے۔

زندگی میں جوش وخروش پیداکرنے والے رنگ کے تہوارہولی کے موقع پر ملائم کنبہ اپنے آنگن میں ایک ساتھ جمع ہواکرتا تھا وہ آج پوری طرح سے الگ الگ نظرآیا۔ ملائم کے آنگن میں ہولی کے جشن میں جہاں اکھلیش، رام گوپال، تیج پرتاپ، اکشے، ابھشیک، انوراگ اور کارتکیہ نظرآئے وہیں شیوپال اپنے بیٹے آدتیہ اورحامیوں کے ساتھ ایس ایس میموریل میں رہے۔

طویل عرصے سے اپنے بھتیجے اکھلیش یادو سے نظریاتی اختلافات کے سبب الگ پارٹی کی تشکیل کرچکے شیوپال سنگھ یادو نے اس بار ہولی کے موقع پر ایک نئی عبارت لکھ دی ہے۔ انہوں نے اپنے والد سدھر سنگھ کے نام پر قائم ایس ایس میموریل اسکول میں اپنے حامیوں کے ساتھ ہولی منائی۔ یقینا شیو پال سنگھ یادو نے اپنی الگ پارٹی تشکیل دی ہو لیکن انہوں نے ابھی تک سماج وادی پارٹی سے استعفی نہیں دیا ہے۔ شیو پال سنگھ یادو اپنی روایتی جسونت نگر اسمبلی سے ایس پی سے ہی ایم ایل اے ہیں۔