نوئیڈا میں ہولی کے دن بغیر ہیلمیٹ موٹر سائیکل سواروں کے 8 ہزار سے زائد چالان کاٹے گئے

پولیس انتظامیہ کی جانب سے جاری کردہ رپورٹ کے مطابق بغیر ہیلمٹ موٹر سائیکل چلانے پر تقریباً 8 ہزار 110 گاڑیوں کے چالان کیے گئے۔ اسی طرح شراب کے نشے میں گاڑی چلانے پر 67 چالان جاری کیے گئے۔ یہ چالان خصوصی طور پر شروع کی گئی مہم کے تحت 44 مقامات پر جاری کیے گئے ہیں۔ یہاں ڈرائیوروں کا بریتھ اینالائزر سے ٹیسٹ کیا گیا۔

اس کے علاوہ آئی ایس ٹی ایم ایس کے ذریعے بھی گاڑیوں کی نگرانی کی گئی۔ اس طرح کل 12284 ای چالان جاری کیے گئے۔ اس کے علاوہ 18 گاڑیاں ضبط کی گئیں۔ ڈی سی پی ٹریفک انیل یادو نے کہا کہ ہولی کے دن زیادہ تر چالان ہیلمٹ کے بغیر بائیک چلانے والوں کو جاری کیا گیا ہے۔ ان کے 8110 چالان جاری کیے گئے ہیں۔

بغیر سیٹ بیلٹ کے 372، موٹر سائیل پر 3 لوگوں کی سواری پر 906، موبائل فون استعمال کرنے پر 82، نو پارکنگ کے لیے 402، مخالف سمت جانے پر 633، صوتی آلودگی کے لیے 79، فضائی آلودگی کے لیے 32، ناقص نمبر پلیٹ کے لیے 337، ریڈ لائٹ کی خلاف ورزی کے لیے 441، بغیر لائسنس ہونے پر 172 اور اوور اسپیڈ پر 306 چالان جاری کیے گئے۔ اس کے علاوہ دیگر مقدمات میں کل 18 گاڑیاں ضبط کی گئیں۔