دہلی-این سی آر میں مانسون کا زور، کئی علاقوں میں شدید بارش، کچھ جگہ ٹریفک جام

نئی دہلی: مانسون کے شروع ہونے کے بعد بھی دہلی-این سی آر سمیت تمام ریاستوں میں مرطوب گرمی کا اثر نظر آ رہا تھا۔ آج (جمعرات) 6 جولائی کی صبح قومی راجدھانی اور آس پاس کے علاقوں میں موسم نے کروٹ لی اور گرمی سے راحت ملی ہے۔ دہلی، نوئیڈا، غازی آباد سمیت کئی علاقوں میں بارش ہو رہی ہے اور آسمان سیاہ بادلوں سے ڈھکا ہوا ہے۔ صبح یہاں اندھیرا چھا جاتا ہے۔ جس کے باعث موسم میں نرمی اور درجہ حرارت میں کمی آئی ہے۔

صبح سے ہونے والی موسلادھار بارش کے باعث کئی علاقوں میں سڑکوں پر پانی جمع نظر آیا۔ جس کی وجہ سے گاڑیوں کی رفتار کم ہوگئی۔ شدید بارش اور پانی جمع ہونے کی وجہ سے دہلی-این سی آر کے کئی علاقوں میں ٹریفک جام بھی دیکھا جا رہا ہے۔

محکمہ موسمیات کے مطابق دہلی اور این سی آر کے علاقوں براڑی، ماڈل ٹاؤن، کراول نگر، دہلی یونیورسٹی، سول لائنز، کشمیری گیٹ، سیلم پور، دلشاد گارڈن، سیما پوری اور لونی دیہات کے علاقوں میں ہلکی سے درمیانی بارش ہوگی۔ اس کے ساتھ ہی ہریانہ کے یمنا نگر، کرنال، پانی پت، گنور، سونی پت اور کھرکھوڈہ میں اچھی بارش کے امکانات ہیں۔