میزورم میں بارش کے دوران حادثہ، پتھر کی کان گرنے سے 5 افراد کی موت، متعدد لاپتہ

میزورم میں ایزول کے مضافات میں پتھر کی کان منہدم ہونے سے 5 افراد ہلاک اور متعدد لاپتہ ہو گئے۔ پولیس نے منگل کو یہ اطلاع دی۔ پولیس کے مطابق یہ حادثہ آج صبح علاقے میں مسلسل بارش کے درمیان پیش آیا۔ پولیس نے بتایا کہ یہ واقعہ شہر کے جنوبی مضافات میں میلتھام اور ہلیمان کے درمیانی علاقے میں صبح 6 بجے کے قریب پیش آیا۔ ان کے مطابق ایک لاش نکال لی گئی ہے جبکہ کئی دیگر افراد ملبے تلے دبے ہوئے ہیں۔

پولیس کا کہنا ہے کہ ریسکیو آپریشن جاری ہے لیکن مسلسل بارش کی وجہ سے یہ کام متاثر ہو رہا ہے۔ حکام نے بتایا کہ بارش کی وجہ سے ریاست میں کئی مقامات پر لینڈ سلائیڈنگ بھی ہوئی ہے۔ انہوں نے کہا کہ ہنتھر میں نیشنل ہائی وے 6 پر لینڈ سلائیڈنگ کی وجہ سے ایزول ملک کے باقی حصوں سے الگ تھلگ ہو گیا ہے۔

حکام نے بتایا کہ اس کے علاوہ کئی بین ریاستی شاہراہیں بھی لینڈ سلائیڈنگ سے متاثر ہوئی ہیں۔ اس دوران بارش کی وجہ سے ریاست کے تمام اسکول بند کر دیئے گئے۔