’85مسلم ہونہار طالبات میں سترہ لاکھ کی رقم تقسیم کی گئی‘
ہائی اسکول میں منشی یا مولوی کو کم از کم 76 فیصد سے زیادہ یا اس کے برابرنمبر حاصل کرنے والوں کو 15000 اور 80 فیصد یا اس سے زیادہ نمبروں پر 20000 کی رقم دی جاتی ہے۔
![فائل تصویر آئی اے این ایس](https://media.assettype.com/qaumiawaz%2F2022-04%2F442d271b-8852-4a1b-a387-1ddbfdd0f357%2Fpushkar_dhami.jpg?rect=0%2C20%2C1114%2C627&auto=format%2Ccompress&fmt=webp)
مُکھیہ منتری الپ سنکھیَک میدھاوی بالیکا پروتساہن یوجنا‘ کے تحت ضلع نینی تال میں خط غربت سے نیچے زندگی بسر کرنے والی 85 مسلم ہونہار طالبات کو 1705000 کی ترغیبی رقم ادا کی گئی۔
اس بابت اطلاع دیتے ہوئے ضلع مجسٹریٹ دھیرج سنگھ گربیال نے بتایا کہ اس اسکیم کے تحت اقلیتی برادری کی غیر شادی شدہ ہونہار طالبات کو ترغیبی رقم دی جاتی ہے جنہوں نے اتراکھنڈ بورڈ اور مدرسہ بورڈ کے تحت کسی بھی اسکول، کالج اور تسلیم شدہ مدرسے سے ہائی اسکول مکمل کی ہے۔ منشی، مولوی اور انٹرمیڈیٹ، عالم کا امتحان ادارہ جاتی طالب علم کے طور پر 76فیصد یا اس سے زیادہ نمبروں کے ساتھ پاس کیا۔
علاوہ ازیں وہ جن کی عمر 20 سال سے زیادہ نہیں ہے اور جن کے والدین کی سالانہ آمدنی دیہی علاقوں میں 81000 روپے اور شہری علاقے میں 103000 روپے سے زیادہ نہیں ہے اورطالبہ کل وقتی / جز وقتی ملازمت پر نہ ہو، فائدہ دیا جاتا ہے۔
انہوں نے کہا کہ ہائی اسکول میں منشی یا مولوی کو کم از کم 76 فیصد سے زیادہ یا اس کے برابرنمبر حاصل کرنے والوں کو 15000 اور 80 فیصد یا اس سے زیادہ نمبروں پر 20000 کی رقم دی جاتی ہے۔ اس کے علاوہ انٹرمیڈیٹ اور عالم کے امتحان میں کم از کم 76 فیصد نمبروں پر 20000 اور 80 فیصد یا اس سے زیادہ نمبروں پر 25000 کی رقم دی جاتی ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔