دوسری لہر کا قہر ابھی ختم نہیں ہوا، پہاڑی علاقوں کے سیاحتی مقامات پر کووڈ کی صورتحال کا جائزہ لیا

ابھی یہ نہیں کہا جا سکتا کہ ملک میں کورونا کی صورتحال میں کوئی بہتری آئی ہے لیکن اس کے با وجود لوگوں کا پہاڑی علاقوں کے سیاحتی مقامات پر بڑی تعداد میں جانا جاری ہے۔ مرکزی داخلہ سکریٹری اجے بھلا نے ہفتہ کے روز یہاں ایک میٹنگ میں پہاڑی علاقوں کے سیاحتی مقامات پرکووڈ-19 کے پھیلاؤ کو روکنے کے لئے ریاستی حکومتوں کی جانب سے کئے گئے مختلف اقدامات کا جائزہ لیا۔

میٹنگ کے دوران گوا ، ہماچل پردیش ، کیرالہ ، مہاراشٹر ، راجستھان ، تمل ناڈو ، اتراکھنڈ اور مغربی بنگال میں کووڈ ۔19 کی موجودہ صورتحال کے مجموعی انتظامات اور لوگوں کی ٹیکہ کاری کی تازہ ترین صورتحال پر تبادلہ خیال کیا گیا ۔ مرکزی داخلہ سکریٹری نے ہل اسٹیشنوں اور دیگر سیاحتی مقامات پرکووڈ ضابطوں کی خلاف ورزی کی رپورٹوں کے مدِ نظرلوگوں سے محتاط رہنےکو کہا ۔ انہوں نے زور دے کر کہا کہ کووڈ کی دوسری لہر کا قہر ابھی ختم نہیں ہوا ہے۔ انہوں نے یہ بھی کہا کہ ریاستوں کو اپنی طرف سے پہل کرتے ہوئے لوگوں کو ماسک پہننے ، سماجی فاصلہ ، اور طے شدہ پروٹوکول پر سختی سے عمل درآمد یقینی بنانا چاہئے ۔

اس کے ساتھ یہ بھی پایا گیا کہ ویسے توکووڈ پازیٹو کیسزکی مجموعی شرح شاید کم ہو رہی ہے ، لیکن راجستھان ، کیرالہ ، مہاراشٹر ، تمل ناڈو ، مغربی بنگال ، اتراکھنڈ اور ہماچل پردیش کے کچھ اضلاع میں کووڈ پازیٹو کیسزکی شرح 10 فیصد زیادہ ، جو یقینی طور پر تشویش کی بات ہے۔