سلطانپور: بیچ سڑک پر ایس پی امیدوار سے بھڑ گئیں مینکا گاندھی

سلطانپور: مرکزی وزیر اور بی جے پی امیدوار مینکا گاندھی نے سلطان پور لوک سبھا سیٹ پر اتحاد کے امیدوار پر رائے دہندگان کو دھمکی دے کر ووٹنگ کو متأثر کرنے کا الزام لگایا ہے حالانکہ انتخابی افسر نے ان الزامات کا بے بنیاد بتایا ہے۔

دریں اثنا سلطان پور میں ایک سڑک پر دونوں امیدواروں کے درمیان تیکھی بحث بھی ہوئی۔ بوتھ پر پہنچی مینکا گاندھی نے سونو سنگھ سے کہا کہ یہاں دبنگئی نہیں چلے گی۔

اس کے بعد وہاں موجود سونو سنگھ نے اپنے حامیوں کو پیچھے جانے کو کہا۔ مینکا گناھی آج پولنگ کے درمیان بوتھ پر جاکر جائزہ لے رہی تھیں۔ اسی درمیان ان کی سماجوادی پارٹی کے امیدوار سے بحث ہوئی۔ مینکا گاندھی کے الزامات کو سونو سنگھ نے مسترد کر دیا ہے۔

ینکا گاندھی نے کہا کہ اتحاد کے امیدوار چندر بھدر سنگھ گڑکے گاؤں میانگ میں رائے دہندگان کو اپنے حق میں ووٹ کرنے کے لئے دھمکا رہے ہیں جس سے ووٹگ کے متأثر ہونے کا شبہ ہے۔ ادھر پرگتی شیل سماج وادی پارٹی(لوہیا) امیدوار کملا یادو نےبھی اتحاد کے امیدوار پر گڑبڑی کا الزام لگایا ہے۔

کمشنر منوج مشرا نے ان معاملوں میں لاعلمی کا اظہار کرتے ہوئے کہا کہ ضلع میں پوری طرح سے پرامن ووٹنگ ہو رہی ہے۔ انہوں نے بتایا کہ اس طرح کی شکایتیں ضلع الیکشن افسر سے ہوتی ہے۔ ان کے ذریعہ مجھے کوئی اطلاعی نہیں دی گئی ہے۔ فی الحال اس انتخاب میں کہیں کسی کو لا اینڈ آرڈر کو ہاتھ میں نہیں لینے دیا جائےگا۔ اگر ایسی شکایت آئی تو فورا کاروائی کی جائے گی۔

اتحاد کے امیدوار سونو سنگھ نے الزامات کو مسترد کرتے ہوئے کہا، ’’ہمارا کوئی حامی کسی کو نہیں ڈرا رہا ہے، اگر حامیوں کی بات کریں تے تو پرا گاؤں ہی ہمارا حامی ہے۔‘‘ انہوں نے کہا کہ اس گاؤں میں مینکا گاندھی کا کوئی ووٹر ہی نہیں ہے پھر وہ کیسے الزام لگا سکتی ہیںَ

(یو این آٗی ان پت کے ساتھ)