مراٹھا ریزرویشن تحریک کے 2 سال مکمل ہونے پر ’مہاراشٹر بند‘

مراٹھا ریزرویشن تحریک کو آج 2 سال مکمل ہو گئے ہیں۔ اس موقع پر مراٹھا تنظیموں نے مہاراشٹر بند کا اعلان کیا ہے۔ حالانکہ ممبئی کو بند سے علیحدہ رکھا گیا ہے۔ بند کے پیش نظر حساس مقامات پر آر اے ایف، سی آئی ایس ایف اور صوبائی ریزرو پولس فورس کو تعینات کیا گیا ہے اور تمام پولس اہلکاروں کی چھٹیاں منسوخ کر دی گئی ہیں۔

ضروری خدمات، اسکولوں اور کالجوں کو بھی بند سے علیحدہ رکھا گیا ہے، فی الحال بند کا اثر نظر نہیں آرہا ہے لیکن دوپہر کے بعد مظاہروں میں تیزی آنے کا امکان ہے۔