اسٹیڈئم میں کتا گھمانے والے آئی اے ایس افسر کی حمایت میں اتریں مینکا کہا تبادلہ ایک سازش

دہلی کے ایک اسٹیڈیم میں کتا ٹہلانے کے دعوے کے ساتھ سرخیوں میں آئے کھیروال جوڑے کو لداخ اوراروناچل پردیش ٹرانسفر کئے جانے کے سوال پر مینکا نے کہا’ میں آئی اے ایس کھیروار کو اچھی طرح سے جانتی ہوں۔ ان پر جو الزامات عائد کئے گئے ہیں وہ بے بنیاد اور جھوٹے ہیں۔ وہ بہت ہی قابل افسر ہیں۔ جب وہ دہلی میں سکریٹری آف انوائرنمنٹ تھے تو دہلی کو ان سے بہت فائدہ ہوا تھا۔

انہوں نے کہا کہ وہ لوگوں کی بات سنتے ہیں اور ان پر کاروائی بھی کرتے ہیں اس لئے ان کے خلاف جو ایکشن لیا گیا ہے وہ بالکل غلط ہے۔ دوسرا یہ کہ لداخ اور اروناچل پردیش یہ ایسی جگہ نہیں ہے جوپنشمنٹ پوسٹنگ کا مسئلہ بنایا جائے۔ ان ریاستوں میں بھی اہل افرادکی ضرورت ہے۔ ایسی جگہ جہاں لوگ خوشی خوشی چلے جاتے ہیں۔

قابل ذکر ہے کہ دہلی کے اسٹیڈیم خالی کراکر اس میں کتوں کا ٹہلانے کی شکایت پر مرکزی حکومت نے دہلی حکومت میں پرنسپل سکریٹری سنجیو کھیروار کو لداخ اور ان کی بیوی رنکو دھگا کو اروناچل پردیش ٹرانسفر رکردیا ہے جسے سزا کے طور پرمانا جارہا ہے۔

بی جے پی ایم پی نے حکومت کی کاروائی پر ناراضگی کا اظہار کرتے ہوئے کہا’ یہ کیا طریقہ ہے کہ کسی کو اٹھا کر یہاں پھینک دیا۔ وہاں پھینک دیا۔ یہ ہمیں زیب نہیں دیتا ہے۔ ان کا یہ ٹرانسفر ہونا ہی نہیں چاہئے تھا۔ اس سے دہلی کا نقصان ہوا ہے سازش کے طور پر ا س کو نکالا گیا ہے۔