مہاراشٹر اسمبلی انتخاب: این سی پی–ایس پی کی نئی فہرست جاری، سورا بھاسکر کے شوہر فہد احمد کا نام شامل

مہاراشٹر اسمبلی انتخاب کے لئے این سی پی۔ایس پی نے امیدواروں کی تیسری فہرست جاری کر دی۔ تیسری فہرست میں جن اہم امیدواروں کو ٹکٹ دیا گیا ہے ان میں سے بالی ووڈ اداکارہ سوارا بھاسکر کے شوہر فہد احمد ہیں۔ جن کو پارٹی نے انو شکتی نگر سے میدان میں اتارا ہے۔ دراصل فہد پہلے سماجوادی پارٹی میں تھے، اب انہوں نے این سی پی۔ایس پی کا دمن تھام لیا ہے۔

این سی پی۔ایس پی میں شمولیت کے بعد فہد احمد نے کہا کہ ’’میں پہلے اعلیٰ قیادت سے ملاقات کروں گا، اس کے بعد کچھ کہوں گا۔ این سی پی۔ایس پی کی نظریات سماجوادی پارٹی کے نظریات سے مختلف نہیں ہے۔ میں شرد پوار صاحب کا شکریہ ادا کرنا چاہتا ہوں کہ انہوں نے اکھلیش یادو سے پوچھا اور کہا کہ ہم فہد کا نام این سی پی۔ایس پی کے انتخابی نشان کے ساتھ اعلان کرنا چاہتے ہیں۔‘‘

 قابل ذکر ہہے کہ این سی پی۔ایس پی اب تک 76 امیدواروں کا اعلان کر چکی ہے۔ تیسری فہرست سے قبل ہفتہ کو این سی پی۔ایس پی نے امیدواروں کی دوسری فہرست جاری کی تھی۔ جس میں کل 22 امیدواروں کے نام شامل تھے۔ وہیں پہلی فہرست میں شرد پوار نے کل 45 امیدواروں کے نام کا اعلان کیا تھا۔

واضح ہو کہ مہاراشٹر میں 20 نومبر کو اسمبلی انتخاب کے لئے ووٹ ڈالا جائے گا۔ جس کی گنتی 23 نومبر کو ہوگی۔ مہاراشٹر میں اسمبلی کی کل 288 سیٹیں ہیں۔