رام مندر نہ بنا تو انجام بھگتے گی بی جے پی: مہنت پرم ہنس 

اترپردیش کے ایودھیا میں بابری مسجد شہید ہونے کے بعد وہاں رام مندر تعمیر کے مدے پر بی جے پی نے ووٹوں کی کھیتی کی اور دہلی کے اقتدار تک جا پہنچی۔ لیکن آج وہ اپنے ہی بنائے جال میں پھنستی نظر آرہی ہے۔ ہندو مذہبی پیشوا مہنت پرم ہنس داس نے اعلان کر دیا ہے کہ اگر بی جے پی نے 2019 سے پہلے رام مندر تعمیر نہ کی گئی تو پھر وہ انجام بھگتنے کے لئے تیا رہیں۔

مہنت پرم ہنس داس نے کہا کہ اگر بی جے پی 2019 کے لوک سبھا چناؤ کے بعد دوبارہ اقتدار میں آنا چاہتی ہے تو اسے رام مندر تعمیر کرنا ہوگا۔ انہوں نے کہا کہ ’’اگر بی جے پی نے ایسا نہیں کیا تو ہم اس کے خلاف تحریک چھیڑ دیں گے اور یہ یقینی کریں گے کہ اس کی ہار ہو۔‘‘

مہنت پرم ہنس داس نے یہ رد عمل مرکزی وزیر مختار عباس نقوی کے اس بیان پر دیا ہے جس میں انہوں نے کہا تھا کہ بی جے پی 2019 کا لوک سبھا انتخاب ترقی کے ایشو پر لڑے گی۔