ملک میں کورونا انفیکشن کے ایک ہزار سے بھی کم نئے معاملے

نئی دہلی: ملک میں گزشتہ 24 گھنٹوں میں کورونا انفیکشن کے ایک ہزار سے بھی کم معاملے درج ہوئے ہیں۔ اسی عرصے میں 13 مریضوں کی موت ہوئی ہے۔ دریں اثنا، ملک میں کورونا ویکسینیشن کا عمل بھی جاری ہے اور اس سلسلے میں گزشتہ 24 گھنٹوں میں 870 افراد کو ویکسین لگائی گئی ہے اور اب تک ملک میں 2,20,66,94,822 افراد کو ویکسین لگائی جا چکی ہے۔

جمعرات کو وزارت صحت کے جاری کردہ اعداد و شمار کے مطابق ملک میں متاثرہ افراد کی کل تعداد 4,49,84,058 ہو گئی ہے۔ ایکٹو کیسز کی تعداد 1,214 کم ہو کر 10,179 ہوگئی ہے۔ اس کے ساتھ ہی مرنے والوں کی تعداد بڑھ کر 5,31,814 ہو گئی ہے۔ اسی عرصے میں کورونا انفیکشن سے صحت یاب ہونے والوں کی تعداد 2100 بڑھ کر 4,44,42,065 تک پہنچ گئی ہے۔ ملک میں گزشتہ 24 گھنٹوں کے دوران گجرات میں ایکٹو کیسز کی تعداد میں چھ کا اضافہ ہوا ہے۔ اس کے علاوہ مدھیہ پردیش میں تین معاملات بڑھے ہیں۔

اس کے علاوہ، پچھلے 24 گھنٹوں میں، اڈیشہ میں سب سے زیادہ 424 کورونا معاملوں کی کمی ریکارڈ کی گئی ہے۔ کیرالہ میں 257 اور آندھرا پردیش، اروناچل پردیش، بہار، چنڈی گڑھ، چھتیس گڑھ، دہلی، گوا، گجرات، ہریانہ، ہماچل پردیش، جھارکھنڈ، کرناٹک، مہاراشٹر، میگھالیہ، میزورم، ناگالینڈ، پڈوچیری، پنجاب، راجستھان، سکم، تمل ناڈو، تلنگانہ، تریپورہ، اتراکھنڈ، اتر پردیش اور مغربی بنگال میں کورونا کیسز میں کمی پائی گئی ہے۔ جبکہ اتر پردیش میں اس بیماری سے تین، دہلی اور مہاراشٹر میں دو دو، بہار، چھتیس گڑھ، گجرات، میزورم، پنجاب اور تمل ناڈو میں بالترتیب ایک ایک شخص کی موت ہوئی ہے۔