بڑی خبر: اچھا کام کرنا نہیں، کرسی پر بنے رہنا ضروری ہے: بھاگوت

آر ایس ایس کے سربراہ نے ایک بیان دیتے ہوئے کہا ہے کہ انسان کی ترجیح اچھا کام کرنے سے بھی پہلے کرسی پر بنے رہنما ہونی چاہئے۔ موہن بھاگوت رام دیو کی کمپنی پتانجلی کی ایک تقریب میں شریک ہونے کے لئے گئے تھے۔

موہن بھاگوت نے کہا، ’’اچھا کام کرنے والے کو کرسی پے بنے رہنا پڑتا ہے۔ تو پہلا کام اچھا کام کرنا نہیں، پہلا کام کری پے بنے رہنا ہوتا ہے اور جب تک اس کو ڈر ہے کہ یہ کرنے سے میں کرسی پر بنا نہیں رہوں گا ایسی صورت حال آئے گی، تب تک وہ محنت کرتا رہے گا۔‘‘

اپنی ہی پارٹی بی جے پی کی پالیسیوں سے ناراض چل رہے رکن اسمبلی آشیش دیشمکھ نے آخر کار پارٹی کی رکنیت سے استعفی دے دیا۔ اس کے بعد انہوں نے اسمبلی رکنیت سے بھی استعفی دے دیا، انہوں نے اسمبلی اسپیکر کو اپنا استعفی سونپ دیا ہے۔

آشیش دیشمکھ ناگپور ضلع کے کاٹول حلقہ انتخاب سے رکن اسمبلی ہیں اور لمبے وقت سے بی جے پی سے ناراض چل رہے تھے اور حال ہی میں انہوں نے اپنے حلقہ انتخاب میں بی جے پی کے خلاف یوا سنسند (یوتھ پارلیمنٹ) کا انعقاد کیا تھا۔ اس دوران انہوں نے دعوی کیا تھا کہ بی جے پی نے ہر سال 2 کروڑ لوگوں کو روزگار دینے کا وعدہ کیا تھا لیکن گزشتہ چار سالوں میں محض 2.2 لاکھ لوگوں کو ہی روزگار دیا گیا ہے۔

دیشمکھ ودربھ کو علیحدہ ریاست بنائے جانے کے لئے بھی آواز اٹھاتے رہے ہیں اور بی جے پی کو اس معاملہ پر بھی نشانہ بنا چکے ہیں۔

اترپردیش کی راجدھانی لکھنؤ میں ایپل کے سیلس منیجر وویک تیواری کے قتل معاملہ میں پوسٹ مارٹ رپورٹ میں حیران کن انکشاف ہوا ہے۔ رپورٹ کے مطابق وویک کو اونچائی سے اور بے حد نزدیک سے گولی ماری گئی تھی جو مقتول کے چہرے پر بائیں طرف جاکر لگی۔

رپورٹ کے مطابق گولی وویک کے جسم میں اوپر سے نیچے کی طرف گئی جس سے یہ ظاہر ہوتا ہے کہ ممکنہ طور پر گاڑی کے بونٹ پر یا کسی اونچی جگہ سے گولی ماری گئی۔

غورطلب ہے کہ پولس نے واقعہ کے وقت وویک کے ساتھ کار میں موجود ان کی کلیگ کی تحریر پر پہلی ایف آئی آر درج کی تھی، جس میں ہوشیاری کے ساتھ یہ ثابت کرنے کی کوشش کی گئی تھی کہ پولس نے وویک پر گولی نہیں چلائی۔ پہلی ایف آئی آر پر سوال اٹھنے کے بعد پولس نے وویک کی اہلیہ کی شکایت کی بنیاد پر دوسری ایف آئی آر درج کی ہے۔