کیجریوال کا لاک ڈاؤن میں غریب کرایہ داروں کو مکان کا کرایہ مہیا کرنے کا وعدہ قانونی داؤ پیچ کا شکار

دہلی حکومت کی جانب سے کووڈ-19 لاک ڈاؤن کے دوران ضرورت مندوں کو مکان کا کرایہ ادا کرنے کا وزیر اعلی اروند کیجریوال کا وعدہ قانونی داؤ پیچ سے کل بھی نہیں نکل پایا۔

سپریم کورٹ نے اس معاملے میں دہلی ہائی کورٹ کی ڈویژن بنچ کے فیصلے میں مداخلت کرنے سے انکار کر دیا۔ جسٹس ڈی وائی چندرچوڑ اور جسٹس سوریہ کانت نے کہا کہ غریبوں کو کرایہ ادا کرنے کے وزیر اعلیٰ کے وعدے کو نافذ کرنے کے لیے ان کی حکومت کو نوٹیفکیشن جاری کرنا چاہیے تھا۔

اس سے قبل، ہائی کورٹ کے دو ججوں کی بنچ نے اپنے سنگل جج کے فیصلے پر روک لگا دی تھی، جس نے دہلی حکومت کو ایک پریس کانفرنس کے دوران غریبوں کو کرایہ ادا کرنے کے وزیر اعلیٰ کے وعدے کو پورا کرنے کو قانونی طور پر جائز قرار دیا تھا۔ ہائی کورٹ کی سنگل بنچ نے 27 جولائی 2021 کو اپنا فیصلہ سنایا تھا۔

وزیر اعلیٰ کیجریوال نے 29 مارچ 2020 کو وعدہ کیا تھا کہ حکومت دہلی لاک ڈاؤن سے ان متاثرہ افراد کے مکان کا کرایہ ادا کرے گی، جو خود ادا کرنے سے قاصر ہیں۔

ہائی کورٹ کی دو رکنی بنچ کے فیصلے کے خلاف عرضی گزار نجمہ کی جانب سے سپریم کورٹ میں خصوصی اجازت کی درخواست دائر کی گئی تھی۔