کرناٹک فلور ٹیسٹ : ہنگامہ کا اندیشہ، اسمبلی کے باہر کثیر تعداد میں پولس تعینات

تحریک اعتماد پر ووٹنگ ابھی تک نہیں ہو سکی ہے جب کہ بی جے پی اراکین اسمبلی آج ہی فلور ٹیسٹ کرانے پر زور ڈال رہے ہیں۔ دوسری طرف کانگریس اور جے ڈی ایس اراکین اسمبلی نعرہ لگا رہے ہیں کہ انھیں انصاف چاہیے اور تحریک اعتماد پر بحث مکمل کی جانی چاہیے۔ اس درمیان کئی بار اسمبلی کی کارروائی میں ہنگامہ کی وجہ سے خلل پیدا ہوئی اور کسی بھی ناخوشگوار واقعہ یا شرپسندانہ عمل کے خدشہ کے پیش نظر اسمبلی کے باہر کثیر تعداد میں پولس فورس تعینات ہے۔

सीएम एचडी कुमारस्वामी ने फ्लोर टेस्ट के लिए 2 दिन का और समय मांगा है। उन्होंने कहा कि वे आज फ्लोर टेस्ट नहीं कर सकते हैं, उन्हें और समय की जरूरत है। वहीं स्पीकर ने कहा कि गंठबंधन सरकार को वादे के मुताबिक, आज फ्लोर टेस्ट कराना चाहिए।

اسپیکر رمیش کمار نے اسمبلی کارروائی کے دوران کہا کہ ’’میں نے آج فلور ٹیسٹ کا وعدہ کیا ہے اور اتحادی لیڈروں نے اکثریت ثابت کرنے کی بات کہی ہے۔‘‘ حالانکہ دوسری طرف سدارمیا کا کہنا ہے کہ سپریم کورٹ کے عبوری حکم کے بعد فلور ٹیسٹ پر فیصلہ ہوگا۔

اسمبلی کی کارروائی 3.30 بجے کے بعد ایک بار پھر شروع ہوئی اور ایسا محسوس ہو رہا ہے کہ آج بھی تحریک اعتماد پر ووٹنگ نہیں ہو پائے گی۔ اسمبلی میں پارلیمانی امور کے وزیر کرشن بایر گوڑا نے تو اسپیکر سے یہ مطالبہ بھی کیا ہے کہ وہ فلور ٹیسٹ کو روک کر پہلے اراکین اسمبلی کے استعفیٰ پر فیصلہ لیں۔

تحریک اعتماد پر ابھی تک ووٹنگ نہیں ہو پائی ہے اور اس کے لیے کوئی وقت بھی فی الحال مقرر نہیں کیا گیا ہے۔ فی الحال اسمبلی کی کارروائی 3.30 بجے تک کے لیے ملتوی ہے اور کارروائی شروع ہونے کے بعد ہی پتہ چل پائے گا کہ ووٹنگ آج ہوگی یا پھر مزید سیاسی ڈرامہ باقی ہے۔

ایوان میں بولتے ہوئے کانگریس رکن اسمبلی ڈی کے شیو کمار نے کہا کہ بی جے پی یہ کیوں نہیں اعتراف کرتی کہ اسے کرسی چاہیے۔ بی جے پی کیوں نہیں اعتراف کرتی کہ آپریشن کمل کے پیچھے اس کا ہاتھ ہے۔ ڈی کے شیو کمار نے کہا کہ بی جے پی کو یہ بات اب مان لینی چاہیے کہ اس نے باغی اراکین اسمبلی سے بات کی ہے۔

بنگلورو: کرناٹک میں حکمراں کانگریس اور جنتادل (سیکولر) کے 14 اراکین اسمبلی کے اسمبلی رکنیت سے استعفی کی وجہ سے پیدا ہوئے سیاسی بحران کے درمیان اسمبلی میں وزیراعلی ایچ ڈی کماراسوامی کی طرف سے تحریک اعتماد پیش کرنے کے بعد اس پر ووٹنگ پر تعطل جاری ہے۔

دراصل اسمبلی اسپیکر رمیش کمار نے ایوان کی کارروائی کو آج ہی ختم کرنے کے اشارے دیتے ہوئے کہا کہ ان کی توجہ آج کی کارروائی کے ایجنڈہ کو پورا کرنے پر ہے۔ انہوں نے کہا کہ نامہ نگاروں سے کہا کہ ایوان کی کارروائی آج مکمل ہونے کی امید ہے۔

سپریم کورٹ میں کانگریس کی طرف سے عرضی داخل کر کے جمعرات کو جاری عبوری حکم پر وضاحت مانگے جانے کے سلسلہ میں پوچھے جانے پر رمیش کمار نے کہا کہ مجھے اس کی کوئی معلومات نہیں ہے۔

خیال رہے کہ کمارا سوامی کی طرف سے پیش تحریک اعتماد پر اب تک ووٹنگ نہیں ہوسکی ہے۔ اپوزیشن بھارتیہ جنتا پارٹی اس پر بلاتاخیر ووٹنگ کی مانگ کر رہی ہے جبکہ حکمراں اتحاد کی دونوں جماعتیں تاخیر کی پالیسی اختیار کر رہی ہیں۔ حکمراں اتحاد کو لگتا ہے کہ وہ وقت بڑھاکر باغی اراکین اسمبلی کو خیمے میں لانے میں کامیاب ہوجائے گا۔

اسپیکر رمیش نے کہا کہ میں ممبئی میں بیٹھے ممبران اسمبلی کو آنے کے لئے پیغام نہیں دوں گا، وہپ جاری کرنا متعلقہ فریقوں کے رہنماؤں کے لئے چھوڑ دیا جاتا ہے،ِ اسپیکر نے کہا کہ وہپ کو 10 ویں شیڈول کے تحت تصور کیا جائے گا، یہ باغیوں کے لئے ایک پیغام ہے۔

کرناٹک اسمبلی کے اسپیکر رمیش کمار نے باغی ممبران اسمبلی کو 23 جولائی کو صبح 11 بجے اپنے دفتر میں ملنے کے لئے بلایا ہے، اتحاد کے رہنماؤں کی جانب سے باغی ممبران اسمبلی کو نااہل قرار دینے کے لئے دی گئی عرضی پر یہ نوٹس جاری کیا گیا ہے۔

کرناٹک کے باغی ممبران اسمبلی کی درخواست پر فوری طور پر سماعت کرنے سے سپریم کورٹ نے انکار کر دیا ہے، عرضی میں اراکین اسمبلی نے مطالبہ کیا تھا کہ كماراسوامی حکومت کو شام 5 بجے عدم تحریک پر ووٹنگ کرانے کا حکم دیا جائے۔

کرناٹک اسمبلی میں كماراسوامی حکومت آج تحریک عدم اعتماد پر ووٹنگ ہونے کی امید ہے، ایوان کی کارروائی 11 بجے شروع ہوگی۔ اسمبلی میں بی جے پی کے رکن اسمبلی پہنچ گئے ہیں۔