اگزٹ پول پر فکر مند نہ ہوں، ہم پھر بر سر اقتدار ہوں گے: سدارمیا

سوشیل میڈیا پر کی گئی پوسٹ میں کرناٹک کے وزیراعلی سدا رمیا نے کہاکہ اگزٹ پولس اور اوپینین پولس آئندہ دو دنوں تک تفریح کے لئے ہیں۔اگزٹ پولس اس شخص کی طرح جو تیرنا نہیں جانتا لیکن اسے اس بات کی تسلی ہے کہ وہ ڈوبے گا نہیں۔ کیوں کہ اسے دریا کی گہرائی چارفیٹ بتاکر گمراہ کیا گیا ہے ۔ انہوں نے پارٹی کارکنان اور حامیوں سے کہا کہ وہ بے فکر رہیں اور ویکینڈ پر آرام کریں۔

کرناٹک کانگریس کے صدر پرمیشور نے بھی اگزٹ پولس کو اہمیت نہ دیتے ہوئے کہاکہ پارٹی کے کارکنوں ،لیڈروں اور امیدواروں سے موصولہ اطلاعات کے مطابق انہیں یقین ہے کہ ان کی پارٹی 113 نشستوں پر کامیابی حاصل کرے گی۔ اس سوال پر کہ آیا کانگریس دلت کو وزیراعلی بنائے گی تو انہوں نے کہا کہ اس بات کا فیصلہ ہائی کمان، سی ایل پی کرے گی۔

بی جے پی کو 130 سیٹیں ملیلں گی: یدی یورپا

ادھر، بی جے پی کے وزارت اعلی کے امیدوار بی ایس یدی پورپا نے دعوی کیا ہے کہ کرناٹک میں زعفرانی جماعت 125 تا 130 نشستوں پر کامیابی حاصل کرے گی اور وہ اگلے وزیراعلی ہوں گے۔یدی یورپا نے کہا کہ سدارمیا کو دونوں حلقوں بادامی اور چامندیشوری میں ناکامی ہوگی ۔انہوں نے کانگریس اور جے ڈی ایس کے مل کر حکومت بنانے کے امکان کو مسترد کردیا اور اصرار کرتے ہوئے کہا کہ کسی کے ساتھ بھی اتحادبی جے پی بھی نہیں کرے گی بلکہ بی جے پی کو واضح اکثریت حاصل ہوگی۔