ڈی ایم خلاف کانپور کے ڈاکٹر لام بند

اترپردیش کے کانپور میں ڈاکٹر کے خلاف مقدمہ درج کو لے کر ڈسٹرکٹ مجسٹریٹ کے حکم کے سلسلے میں پروونشیئل میڈیکل سروس ایسوسی ایشن نے وزیراعلی کو خط لکھ کر نوکرشاہوں پر من مانی کرنے کا الزام لگایا ہے اور ڈاکٹروں کے حقوق کی حفاظت کرنے کی اپیل کی ہے۔

ایسوسی ایشن کے جنرل سکریٹری ڈاکٹر امت سنگھ نے منگل کو وزیر اعلی یوگی آدتیہ ناتھ کو لکھے خط میں کہا ہے کہ کورونا وبا کی آڑ میں انتظامیہ افسران کے ذریعہ ڈاکٹروں کو مسلسل پریشان کیا جارہا ہے۔ایسے حالات میں جب سبھی ڈاکٹر انفیکشن کے خلاف فیصلہ کن کردار ادا کررہے ہیں،ضلع سطحی افسر ڈاکٹروں کے حوصلے کو توڑنے کا کام کررہے ہیں۔

انہوں نے کہا کہ اس وقت صرف ٹیم کے جذبہ سے کام کیا جانا چاہئے،نہ کہ ڈرا دھمکا کر۔ریاست کے ڈاکٹر کانپور کے واقعہ سے بہت مشتعل ہیں اور امید ہے کہ عدالت بھی اس معاملے کونوٹس میں لےگی۔ ان کی ایگزیکیوٹو وزیراعلی اور وزیر صحت سے اس معاملے میں انصاف کی امید کرتی ہے۔

واضح رہے کہ کانپور کے ڈسٹرکٹ مجسٹریٹ آلوک تیواری نے یہاں کووڈ کمانڈ سینٹر پر لاپرواہی برتنے کے الزام میں ایک ڈاکٹر کے خلاف مقدمہ درج کرنے کا حکم دیا ہے۔ مسٹر تیواری کانپور میونسیپل کارپوریشن میں بنے کنٹرول روم کا جائزہ لینے کےلئے پہنچتے تھے کہ انہوں نے کنٹرول روم کے اندر سے ہورہی لاپرواہی کو پکڑا جس کے بعد انہوں نے کنٹروم روم میں تعینات پتارا کمیونٹی ہیلتھ سینٹر کے انچارج ڈاکٹر نیرج سچان کے خلاف مقدمہ درج کرانے کی ہدایت دی۔